Video
Read full review
2022-06-12
615 views
可能因為開喺商場入面，比起好多川菜，佢嘅環境舒服好多，坐得幾舒服，冷氣幾夠，通風好好，啲櫈唔會癡粒粒！我哋6個人嗌咗三樣嘢同埋三個甜品share～先講水煮魚，我哋嗌咗個例牌，會再包4樣餸，我哋揀咗豆卜、凍豆腐、萵筍、豬紅。辣度嗌咗小辣，但一上到嚟有啲朋友見到咁紅已經嚇親😹 其實食落去又唔算太辣，啲配料全部都好適合水煮魚！豆腐類吸晒啲湯好正！豬紅滑捋捋，大家都好鍾意食，好快搶曬😹 萵筍切到細細條，好入味！不過配料偏細份；魚有得揀普通魚片定係桂花魚，我哋揀咗比較平嘅鮮魚片，食落都好新鮮，好滑冇骨，有多啲budget可以試埋桂花魚🤣酸菜魚方面，我哋叫咗個珍寶size，都係選擇咗鮮魚片，魚嘅質素同水煮魚差唔多。酸菜魚佢配左啲粗薯粉，呢啲菜式同薯粉真係天作之合，永遠唔會唔夾😭啲薯粉好食到傻！同埋啲酸菜都好好食，連啲配角都好出色，全因佢個湯真係整得好好！不過要提吓嘅係，朋友覺得酸菜魚辣過水煮魚😹 我就覺得差唔多嘅～ 兩個菜啲魚都好多，食極都仲有，都幾抵食！另外，我哋仲嗌咗個腐皮小棠菜，本身以為清清地食個菜，但係佢又炒得幾好食，啲腐皮幾香幾入味，不過因為我遲到冇影到🤣🤣我哋嗌咗三款甜品，分別係辣嘢必
可能因為開喺商場入面，比起好多川菜，佢嘅環境舒服好多，坐得幾舒服，冷氣幾夠，通風好好，啲櫈唔會癡粒粒！我哋6個人嗌咗三樣嘢同埋三個甜品share～
先講水煮魚，我哋嗌咗個例牌，會再包4樣餸，我哋揀咗豆卜、凍豆腐、萵筍、豬紅。辣度嗌咗小辣，但一上到嚟有啲朋友見到咁紅已經嚇親😹 其實食落去又唔算太辣，啲配料全部都好適合水煮魚！豆腐類吸晒啲湯好正！豬紅滑捋捋，大家都好鍾意食，好快搶曬😹 萵筍切到細細條，好入味！不過配料偏細份；魚有得揀普通魚片定係桂花魚，我哋揀咗比較平嘅鮮魚片，食落都好新鮮，好滑冇骨，有多啲budget可以試埋桂花魚🤣
酸菜魚方面，我哋叫咗個珍寶size，都係選擇咗鮮魚片，魚嘅質素同水煮魚差唔多。酸菜魚佢配左啲粗薯粉，呢啲菜式同薯粉真係天作之合，永遠唔會唔夾😭啲薯粉好食到傻！同埋啲酸菜都好好食，連啲配角都好出色，全因佢個湯真係整得好好！不過要提吓嘅係，朋友覺得酸菜魚辣過水煮魚😹 我就覺得差唔多嘅～ 兩個菜啲魚都好多，食極都仲有，都幾抵食！
另外，我哋仲嗌咗個腐皮小棠菜，本身以為清清地食個菜，但係佢又炒得幾好食，啲腐皮幾香幾入味，不過因為我遲到冇影到🤣🤣
我哋嗌咗三款甜品，分別係辣嘢必備嘅冰粉、黑糖糍粑、拔絲士多啤梨。
冰粉就同我哋平時食辣嘢嘅時候食到嘅差唔多，類似黑糖啫喱（分體式），但係就比較硬淨啲，好解辣！但價錢就比出面貴好多，平時啲小店大概10令20左右就有一碗，呢度就賣$48。
黑糖糍粑好正，一想碟就俾我哋清晒，冇影到相😹😹😹 佢係一啲類似就係糯米糍嘅嘢，外脆內軟，上面有啲黑糖，我自己覺得佢個黑糖有少少鹹鹹地同炸嘢好夾，入面超軟綿綿我好鍾意！但朋友就覺得有啲黐牙
最後要講下呢個超級靚嘅拔絲士多啤梨！佢係我喺出面食過最靚嘅拔絲XX，糖漿完美地包裹好粒士多啤梨，我自己覺得好似超新鮮嘅冰糖葫蘆，然後仲會捲埋佢中間嗰個旋風糖漿，超好食的！呢個係必叫！份量都唔少！
唯一美中不足係，嗰日服務我哋嘅姐姐心情好似唔係好好，態度有啲差😿😿
Post
