築地‧山貴水產市場 (Closed)

灣仔-築地·山貴水產市場：炙燒壽司盛（hk$198), 吞拿魚盛($148), 壽司盛D($88), 炙燒左口魚（$28）,+10%呢日特登由尖沙咀坐船到灣仔碼頭食壽司，之前有黎過但當時太多人，無食過，而家黎已經唔駛等位喇，呢度最開心係可以坐窗邊位望住世界級維港夜景食壽司😌-我覺得壽司盛較抵食，炙燒壽司盛一次過可以品嘗十種美味，包括受歡迎的帆立貝、左口魚、牡丹蝦、仲有拖羅🤤。另外點左兩個一套五件嘅壽司盛，一個係長崎產吞拿魚盛，一次過可以食晒五種吞拿魚唔同嘅部位/整法；另一個就有三文魚子、海膽呢啲貴價野😋，當中好多都係產地直送，鮮甜味美。而我最愛都係北海道產炙燒左口魚😍😍油香滿滿，真係好味過平時食果d既😆。見同場好多人食緊生蠔，原來做緊$188生蠔放題，不過就要食滿每人$200先可以加錢食。-PS 呢期做緊little twins star 秋祭,fans都可以過黎望望。