映水芙蓉 (海運大廈) (Closed)

鍾意食川菜水煮嘅我其實之前都有留意到呢間餐廳，但一直都未嚟到。今次去開尖沙咀終於有機會一試～價錢來講呢一間都算係貴，值唔值得就睇你自己，餐廳望出去嘅景色都好靚，而且環境都算舒適嘅，每道菜嘅擺盤都好精緻，但好食嘅程度去唔去到呢個價錢呢我就覺得一般。今晚上菜每一道菜都好慢，想主菜之前呢有一杯welcome drink &去皮蕃茄仔。杯果洒都好易入口嘅，蕃茄亦都鮮甜。酸菜水煮魚，我覺得唔夠辣，亦都唔夠酸。 但係魚肉好滑～～敲糖棒棒雞，加入北京「吹糖」技藝，雞絲放上糖皮球，職員會幫你敲及搞拌，味道唔錯好入味，而且唔會太甜，亦都好有辣椒油嘅香味。