Video
Read full review
2019-08-30
220 views
仲記得上年夏季，響日本大阪食過一次OMAKASE，每道菜上桌時都充滿著期待與驚喜，一試難忘。OMAKASE意指廚師發辦嘅日本料理，由廚師幫客人挑選當日最時令、最新鮮、最優質嘅食材，對廚師嚟講係表示客人對佢地嘅一種信任，而且可以慢慢品嚐，細味感受廚師嘅細心。美食家更認為OMAKASE係品嚐日本料理嘅最高享受與境界。對於OMAKASE嘅情懷，一直念念不忘。最近蕃薯妹發現咗一間座落尖沙咀商廈頂層，全店落地玻璃，有靚維港view嘅OMAKASE—鮨真。可以欣賞住靚景食高級日本料理，啱曬閨蜜聚會或者情侶拍拖今次蕃薯妹就同閨蜜嚟嘆下、享受一下girls’ talk親密時光預先睇openrice靚相得知，鮨真嘅座位有兩邊，一邊可以一路食一路欣賞靚景色之餘，仲可以選擇坐bar檯欣賞大廚即場製作料理過程。不過當日我地想匿埋密密酙，所以一早已預先book好位，希望留到另一邊比較少人嘅沙發座位。入座時我地都不禁讚嘆咗一下，從餐廳嘅裝潢設計到窗外嘅景色，就知道無揀錯地方。我地同Waitress表示想食OMAKASE，佢好細心地俾餐牌我地望一望，問我地有無邊一類食物係唔鐘意食或者想食，然後就全權交俾廚師去安排。
OMAKASE意指廚師發辦嘅日本料理，由廚師幫客人挑選當日最時令、最新鮮、最優質嘅食材，對廚師嚟講係表示客人對佢地嘅一種信任，而且可以慢慢品嚐，細味感受廚師嘅細心。美食家更認為OMAKASE係品嚐日本料理嘅最高享受與境界。
對於OMAKASE嘅情懷，一直念念不忘。
最近蕃薯妹發現咗一間座落尖沙咀商廈頂層，全店落地玻璃，有靚維港view嘅OMAKASE—鮨真。可以欣賞住靚景食高級日本料理，啱曬閨蜜聚會或者情侶拍拖
今次蕃薯妹就同閨蜜嚟嘆下、享受一下girls’ talk親密時光
預先睇openrice靚相得知，鮨真嘅座位有兩邊，一邊可以一路食一路欣賞靚景色之餘，仲可以選擇坐bar檯欣賞大廚即場製作料理過程。
不過當日我地想匿埋密密酙，所以一早已預先book好位，希望留到另一邊比較少人嘅沙發座位。
入座時我地都不禁讚嘆咗一下，從餐廳嘅裝潢設計到窗外嘅景色，就知道無揀錯地方。
我地同Waitress表示想食OMAKASE，佢好細心地俾餐牌我地望一望，問我地有無邊一類食物係唔鐘意食或者想食，然後就全權交俾廚師去安排。
前菜：長野縣溫室蕃茄、火龍果啫喱、海膽枝豆醬
10 views
0 likes
0 comments
前菜：長野縣溫室蕃茄、火龍果啫喱、海膽枝豆醬
7 views
0 likes
0 comments
擺盤非常精緻美觀，吸睛
每道菜Waitress都會講解係乜嘢嚟同埋點樣食。呢個頭盤要順次序食，先食蕃茄，再食火龍果啫喱，最後食海膽枝豆醬。
蕃茄要沾少少海鹽食，本身呢隻蕃茄好甜，加咗海鹽之後，無諗過原來甜中帶咸會起倒一個好好嘅化學作用，非常好味。
火龍果啫喱波波味道比較清，帶有少少火龍果甜味。
海膽枝豆醬，枝豆打成蓉之後有沙沙嘅口感，伴上鮮甜嘅海膽點綴，好特別。
刺身：日本函館赤座蝦、石垣貝、秋刀魚
7 views
0 likes
0 comments
日本函館赤座蝦
6 views
0 likes
0 comments
要先食赤座蝦或者石垣貝，最後食秋刀魚。
一般香港嘅日式料理，都會以車海老、牡丹蝦等作食材，罕有地食到函館赤座蝦，好大隻！新鮮鮮甜到不得了，肉厚口感偏軟，大愛。必食推薦。
美觀嘅蝦殻蝦頭都唔會浪費，店員表示等我地食完刺身會俾返廚師煲我地嘅麵豉湯。
石垣貝亦算罕有之物，只有初夏至梅雨季節大約2個月左右嘅時間盛產。石垣貝肉身厚有口感，質感爽脆，味道比起啱啱食完嘅赤座蝦偏淡，帶有少少貝類嘅鮮甜味。
秋刀魚刺身要配上廚師特調嘅薑蔥豉油食，無諗過食刺身唔係沾Wasabi，好特別。食之前有少少擔心呢一類嘅魚生會唔會比較腥？原來係唔會咖！咬落去嘅口感好得意，薑蔥豉油帶來味覺衝擊，但又無搶去秋刀魚嘅鮮甜味。好味！
北海道喜知次
$900
18 views
0 likes
0 comments
北海道喜知次
$900
5 views
0 likes
0 comments
喜知次魚係日本人視為最珍貴嘅魚類之一，鹽燒後就咁食完全無加配任何醬汁，都覺得非常好味！魚皮燒到香脆甘香，有淡淡海鹽味，魚嘅肉質非常嫩滑，脂肪豐富，而且食得出含有好多膠質，蕃薯妹一路食一路同朋友講：「有好多膠原蛋白要食多啲 美顏啊！」
壽司：吞拿魚面脥、筋子、海膽、火炙吞拿魚魚胶
2 views
0 likes
0 comments
壽司：吞拿魚面脥、筋子、海膽、火炙吞拿魚魚胶
5 views
0 likes
0 comments
壽司：吞拿魚面脥、筋子、海膽、火炙吞拿魚魚胶
9 views
0 likes
0 comments
平時食吞拿魚，一定會諗住食赤身、大拖羅，無諗過今次廚師安排咗兩個特別嘅部位俾我地。
吞拿魚面珠登口感爽口，帶有筋位，比較有咬口，味道甘甜。而火炙吞拿魚胶油脂豐富，火炙後油香更加昇華，但口感並唔係想像中嘅入口即溶，反而係爽口嘅，味道亦鮮甜，好特別。
海膽船艦壽司上嘅海膽多到滿瀉，非常新鮮鮮甜，完全無腥味，猶如置身日本食嘅新鮮海膽～
從來未食過筋子，其實蕃薯妹對魚子類嘅料理都沒太大興趣，但係估唔倒呢一啖筋子壽司，會令蕃薯妹改觀！ 咬落去好鮮甜，而且有淡淡嘅清新柚子味，無錯！真係柚子味～ 一試愛上。
麵豉湯
17 views
0 likes
0 comments
麵豉湯
5 views
0 likes
0 comments
用咗我地做刺身嘅函館赤座蝦煲麵豉湯，令個湯更鮮甜。
海鹽雪糕
3 views
0 likes
0 comments
香滑嘅牛奶雪糕加上海鹽味，雖然又甜又咸但又出奇地配合。替我地今晚呢一餐豐盛嘅晚餐劃上完美句號。
好滿足嘅一晚，食到好多日本季節性罕有食材同矜貴食材，而且每一道菜都完全感受到廚師嘅用心設計同埋烹調。再加上無敵夜景，舒適環境，物有所值！
最後附上今晚嘅帳單同埋部份餐廳餐牌俾大家參考下
Post
