Video
Read full review
2017-08-09
7779 views
又到月尾家庭聚餐時間，當然要揀返間咁上下嘅餐廳盡顯一下「孝子」嘅表現啦。問過身邊朋友話呢度維港個景無得輸，所以早就約定媽子係今晚黎食。點知打錯算盤，估唔到七點咁早都咁多人無得安排坐落地玻璃窗嗰邊，唔可以一邊嘆靚景一邊食飯。可惜可惜。但呢度食物質素都好好，成功挽回孝子嘅分數。甫坐低無耐，六宮格即刻送上。六格分別係：冰菜温室蕃茄，蜜汁叉燒，麻醬無花果，酥炸白鴿蛋，香煎墨魚餅，同埋百花秋葵。蜜汁叉燒肥瘦適中，蜜汁味香濃又有少少燶邊加上蜜汁豆又腍又入味。秋葵入口滑溜溜，一下就吞左落肚了。炸鴿蛋個皮好薄，蛋味都香但略微唔夠味。而墨魚餅香口彈牙，配上泰式酸辣醬，零舍醒胃。而冰菜真係第一次食，覺得好爽脆不過無咩味但同酸甜蕃茄仔啱啱好夾。麻醬無花果軟腍清甜，帶上麻醬嘅酸香，覺得係六樣入面最出色的。之後係燉花膠響螺雞腳湯，材料非常豐而且香氣十足，入口每一啖都鮮甜回甘。加上佢燉嘅時間好足，花膠同雞腳嘅骨膠原出晒黎，所以飲落黏口。除左變鞋口嘅瘦肉之外，其他湯渣都一掃而空。飲完甘甜嘅湯後黎個酸酸甜甜嘅咕嚕肉刺激下味蕾，同埋荷葉飯醫肚。咕嚕肉酸甜度啱啱好，而且炸得皮脆肉嫩咬開仲見肉汁。用嘅菠蘿香甜得黎帶少少果酸
點知打錯算盤，估唔到七點咁早都咁多人無得安排坐落地玻璃窗嗰邊，唔可以一邊嘆靚景一邊食飯。可惜可惜。但呢度食物質素都好好，成功挽回孝子嘅分數。
六宮格
$138
112 views
1 likes
0 comments
六宮格
$138
120 views
0 likes
0 comments
蜜汁叉燒肥瘦適中，蜜汁味香濃又有少少燶邊加上蜜汁豆又腍又入味。秋葵入口滑溜溜，一下就吞左落肚了。炸鴿蛋個皮好薄，蛋味都香但略微唔夠味。而墨魚餅香口彈牙，配上泰式酸辣醬，零舍醒胃。
而冰菜真係第一次食，覺得好爽脆不過無咩味但同酸甜蕃茄仔啱啱好夾。麻醬無花果軟腍清甜，帶上麻醬嘅酸香，覺得係六樣入面最出色的。
花膠響螺雞腳燉湯
$88
46 views
0 likes
0 comments
之後係燉花膠響螺雞腳湯，材料非常豐而且香氣十足，入口每一啖都鮮甜回甘。加上佢燉嘅時間好足，花膠同雞腳嘅骨膠原出晒黎，所以飲落黏口。除左變鞋口嘅瘦肉之外，其他湯渣都一掃而空。
百合鳳梨咕嚕肉
$198
30 views
0 likes
0 comments
瑤柱荷葉飯
$198
34 views
0 likes
0 comments
咕嚕肉酸甜度啱啱好，而且炸得皮脆肉嫩咬開仲見肉汁。用嘅菠蘿香甜得黎帶少少果酸，所以都好開胃。
荷葉飯一打開已經聞到好清荷香味，入面好足料有蝦米，瑤柱，雞肉粒等等。打開時見個飯咁深色以為都幾重味，但原來醬油色係錯覺，味道幾清的。再加上飯粒炒得乾身，食落一啲都唔油膩咀嚼耐啲都會略略散出荷葉嘅香味。
最後係蛋白杏仁茶用上細個港女鑄鐵鍋盛載，一黎提高保温效果，二黎吸睛嘛。
生磨蛋白杏仁茶
$48
25 views
0 likes
0 comments
杏仁茶只屬微甜，係飽餐一頓之後唔會增加個胃嘅負擔。入口充滿香濃杏仁味稀稠適中又滑溜，亦保留少量蛋白豐富口感，作為飯後一點甜恰到好處。
不得不提佢呢個紫菜青豆都幾香脆好食，夾吓一粒夾吓又粒。係靚景同美食雙重享受之下，媽子又要加我分了。
Post
