Video
Read full review
2023-06-29
104 views
💁♀️💁♂️ 23/6/2023(Fri), Dinner🍽又到咗💁♀️為食妙妙同💁♀️A先生辣癮起嘅時間，朋友介紹海港城嘅祥仔辣辣新加咗烤魚嘅菜式，而且仲有海景睇，今晚一於去解一解辣癮先😋🌶。去到餐廳先係被維港嘅海景吸引住😍😍😍，靠窗嘅位置可以直接望到無敵大海景，晚上嚟睇住夜景食晚飯一流。其餘位置都坐得好舒服闊落，即使叫多幾款食物都唔怕無位擺👍。而今晚我地order咗：🔆 元氣九宮格（$188）主要係跟時令去配搭食材，所以每次嘅選擇都有機會唔同，中間嘅一格就放咗乾冰，上枱時加水就形成咗一個騰雲駕霧嘅感覺，儀式感十足。 今晚嘅另外8格分別有：- 麻辣豬耳：食落豬耳皮爽，軟骨位置夠脆- 鹵雞腎：鹵水味香，雞腎爽口- 香辣山木耳：帶點麻辣味道，爽口- 香辣一口牛舌：切成細細粒，一啖一粒食落麻辣爽口- 麻辣豆角：咬落脆口，入口帶麻辣嘅味道- 酸辣泡大白菜：食落有啲似韓式泡菜，但就無咁酸- 肴肉：入口彈牙，滿滿骨膠原感覺- 蒜泥拍青瓜：食落脆口，又帶蒜泥嘅香氣🔆 金波羅酸辣 拼 魔鬼地獄 烤魚（海鱸魚）（$328）一個鍋入面分開兩格，可以有唔同嘅烤魚選擇，例如：金波羅酸辣、魔鬼地獄、火山爆辣、
💁♀️💁♂️ 23/6/2023(Fri), Dinner🍽
又到咗💁♀️為食妙妙同💁♀️A先生辣癮起嘅時間，朋友介紹海港城嘅祥仔辣辣新加咗烤魚嘅菜式，而且仲有海景睇，今晚一於去解一解辣癮先😋🌶。
去到餐廳先係被維港嘅海景吸引住😍😍😍，靠窗嘅位置可以直接望到無敵大海景，晚上嚟睇住夜景食晚飯一流。其餘位置都坐得好舒服闊落，即使叫多幾款食物都唔怕無位擺👍。
而今晚我地order咗：
🔆 元氣九宮格（$188）
主要係跟時令去配搭食材，所以每次嘅選擇都有機會唔同，中間嘅一格就放咗乾冰，上枱時加水就形成咗一個騰雲駕霧嘅感覺，儀式感十足。
今晚嘅另外8格分別有：
- 麻辣豬耳：食落豬耳皮爽，軟骨位置夠脆
- 鹵雞腎：鹵水味香，雞腎爽口
- 香辣山木耳：帶點麻辣味道，爽口
- 香辣一口牛舌：切成細細粒，一啖一粒食落麻辣爽口
- 麻辣豆角：咬落脆口，入口帶麻辣嘅味道
- 酸辣泡大白菜：食落有啲似韓式泡菜，但就無咁酸
- 肴肉：入口彈牙，滿滿骨膠原感覺
- 蒜泥拍青瓜：食落脆口，又帶蒜泥嘅香氣
🔆 金波羅酸辣 拼 魔鬼地獄 烤魚（海鱸魚）（$328）
一個鍋入面分開兩格，可以有唔同嘅烤魚選擇，例如：金波羅酸辣、魔鬼地獄、火山爆辣、青青草原同埋紅火蕃茄🍅。我地今晚就選咗雙拼嘅口味，一邊係金黃嘅金波羅酸辣烤魚；而另一邊就係火紅色嘅魔鬼地獄烤魚。一鍋有兩種食法，可以食多一種口味嘅烤魚，滿足三心兩意嘅人。而各自嘅酸度、辣🔥道同麻度都有大、中同小可以選擇。
金波羅酸辣嗰邊就比起一般嘅金湯酸菜魚再加入新鮮菠蘿🍍去烹煮，令到食落去嘅味道比一般酸菜魚再多一種菠蘿🍍嘅果香同酸甜味道，多咗一種層次，入口亦減輕咗辣度。
另一邊嘅魔鬼地獄烤魚就佈滿印度🇮🇳魔鬼辣椒🌶️、中國魔鬼辣椒🌶️同辣椒🌶️干，雖然我哋點嘅係小辣，但個湯滾滾吓都越來越辣，食得都好刺激。
鱸魚🐟本身肉質嫩滑又唔多骨，配合兩款湯底都好搭配，輕輕滾起之後，湯底嘅味道滲入魚肉，為食妙妙同A先生好快就食晒啲魚肉。另外，兩邊湯底都各有大豆芽、蓮藕片、萵筍片同雲耳做配料，煮一煮吸收咗湯嘅味道又係食過不停。
🔆 三國演義-墨魚🦑三色滑（半份$58）
即係一件有齊三款不同口味嘅墨魚🦑滑拼埋，三隻口味分別係原味、南瓜🎃味同菠菜味，一件有齊白、黃同綠三隻色，視覺上先吸引咗我哋先。墨魚🦑滑內有粒粒墨魚🦑肉，加添口感，食落彈牙鮮味。南瓜🎃味同菠菜味嘅墨魚🦑滑都隱約食到南瓜🎃味同菠菜味，一件三國演義墨魚🦑滑就可以入口食晒三種口味。
🔆 雪花肥牛卷（$88）
牛肉嘅雪花❄️紋都唔錯，肥瘦相間，油花分佈都幾平均。輕輕一灼剛剛熟就放入口，有肉味得來又有油香，食落嫩滑無渣，唔錯👍🏻。
🔆 田園蔬菜拼盤（$88）
生菜拼油墨菜，新鮮翠綠。
🔆 冰天雪地（$168）
又係儀式感滿滿嘅一個甜品，用上一個高身嘅瓷器裝住桂花冰粉，再配搭龍鬚糖同埋糍粑，上枱時飄住乾冰散發出嘅煙霧💨，就好似仙境來的甜品一樣。
桂花冰粉內有桂花、爆珠、士多啤梨🍓同藍莓🫐果肉，食落冰涼透心。龍鬚糖鬆化又唔太甜，而家都好少喺街見到有龍鬚糖賣，估唔到呢度嘅甜品會有。糍粑就係四川嘅甜品，用糯米整成，配黑糖同黃豆粉一齊食，咬落外脆內煙韌，再加埋黑糖香味，十分吸引。
🔆 菠蘿ME 1.3L（$48）
份量超巨型，足足1.3公升都只係$48，一杯冰凍嘅飲品酗配烤魚絕對有解辣清涼嘅作用。菠蘿ME用上蜜瓜🍈、菠蘿🍍同雪碧調製，入口有清新蜜瓜🍈同菠蘿🍍味道。
🔆 藕遇熱情鳳梨 1.3L（$48）
同樣超巨型嘅特飲，用上百香果、菠蘿🍍、蓮藕同梳打調製，百香果味濃郁，加咗蓮藕令到口感更豐富。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：8.5/🔟
❤🙆♀️(為食妙妙)整體食評：9/🔟
👉🏻 餐廳可以望到海景，對住維多利亞港食烤魚絕對係樂事，夾岩時間仲可以睇埋幻彩詠香江
A先生車友指數 🚗
🛣️ 交通容易指數：🚗🚗🚗🚗🚗(5/5)
🅿️ 泊車容易指數：🚗🚗🚗🚗🚗(5/5)
👉🏻 泊車唔使諗一定係海港城嘅停車場🅿️，大量車位提供
👉🏻 海港城即使你搭港鐵🚇、巴士🚌定天星小輪⛴️都好方便
🔆🔆🔆🔆🔆🔆🔆🔆🔆🔆🔆🔆🔆
Post
