Video
Read full review
2023-09-17
987 views
維港無敵海景🥰又食得又睇得又打得卡！銅鑼灣新開咗間粵菜館，菜式由米芝蓮星級廚師主理，仲有超靚維港海景，最鍾意食中菜嘅我忍唔住要去試吓。🫕前菜：椒鹽九肚魚外層唔厚粉，咬落先係少少脆然後係口感好鬆軟嘅魚肉，香口之餘帶少少惹味。🫕蜜汁叉燒經典半肥瘦叉燒，甜度適中嘅蜜汁，甜而不膩，呢兩道用好日常嘅菜式安排嘅前菜已經完全食得出廚師嘅功夫👍🏻。🫕點心：魚翅灌湯餃金黃色嘅湯底、大大條魚翅配埋隻足料灌湯餃，望落已經係誠意十足，味道亦無令人失望，湯底鮮甜無比，湯餃皮薄餡靚，啖啖都係滿足。主菜：🫕大紅片皮乳豬全體原隻脆皮乳豬，加上餅皮、京蔥絲、甜麵醬/砂糖，用片皮鴨嘅食法去品嚐，口感層次豐富咗，都幾過癮。🫕金華玉樹雞雞如其名嘅名菜，一片火腿加上一條翠綠芥蘭，最後係一塊去骨雞肉，每樣食材都掛滿芡汁，食落非常之嫩滑多汁。🫕竹笙菜苗卷爽脆嘅竹笙捲起鮮嫩菜苗，比起其他菜式相對清淡但菜苗嘅鮮甜味依然非常突出，湯汁亦都好豐富。🫕百花炸釀鮮蟹鉗外表炸到金黃色，咬落好彈牙而且唔厚粉啖啖肉，最緊要夠大隻絕唔馬虎。🫕梅菜扣肉煲無錯，係梅菜扣肉煲！廚師繼續用實而不華嘅菜式攻略你嘅腸胃，五花腩已經烹調到係幾乎入口即溶，梅菜又啱啱
銅鑼灣新開咗間粵菜館，菜式由米芝蓮星級廚師主理，仲有超靚維港海景，最鍾意食中菜嘅我忍唔住要去試吓。
🫕前菜：
椒鹽九肚魚
外層唔厚粉，咬落先係少少脆然後係口感好鬆軟嘅魚肉，香口之餘帶少少惹味。
🫕蜜汁叉燒
經典半肥瘦叉燒，甜度適中嘅蜜汁，甜而不膩，呢兩道用好日常嘅菜式安排嘅前菜已經完全食得出廚師嘅功夫👍🏻。
🫕點心：
魚翅灌湯餃
金黃色嘅湯底、大大條魚翅配埋隻足料灌湯餃，望落已經係誠意十足，味道亦無令人失望，湯底鮮甜無比，湯餃皮薄餡靚，啖啖都係滿足。
主菜：
🫕大紅片皮乳豬全體
原隻脆皮乳豬，加上餅皮、京蔥絲、甜麵醬/砂糖，用片皮鴨嘅食法去品嚐，口感層次豐富咗，都幾過癮。
🫕金華玉樹雞
雞如其名嘅名菜，一片火腿加上一條翠綠芥蘭，最後係一塊去骨雞肉，每樣食材都掛滿芡汁，食落非常之嫩滑多汁。
🫕竹笙菜苗卷
爽脆嘅竹笙捲起鮮嫩菜苗，比起其他菜式相對清淡但菜苗嘅鮮甜味依然非常突出，湯汁亦都好豐富。
🫕百花炸釀鮮蟹鉗
外表炸到金黃色，咬落好彈牙而且唔厚粉啖啖肉，最緊要夠大隻絕唔馬虎。
🫕梅菜扣肉煲
無錯，係梅菜扣肉煲！廚師繼續用實而不華嘅菜式攻略你嘅腸胃，五花腩已經烹調到係幾乎入口即溶，梅菜又啱啱好帶走佢嘅肥膩感，係我近年食過最好味嘅梅菜扣肉，真心食香味俱全👍🏻。
🫕瑤柱荷葉飯
炒飯炒得非常乾身，粒粒分明，食落口感非常札實，每口都帶有荷菜清香，瑤柱嘅鮮香味亦好配合。
🫕甜品：
陳皮蓮子紅豆沙
3種食材平衡得啱啱好，甜中帶點果香但唔會有苦澀味，蓮子亦令整體味道變得豐富。
🫕燈影煎堆
打卡必點菜式之一，整法好考廚師嘅功架，餐廳好有心思咁幫佢打埋燈，望落就成個月亮燈籠咁🌕，內餡當然都無失手，外脆內軟，非常出色。
🫕冷涮和牛卷
最後一道甜品：和牛！？，外表完全係一個雪花和牛卷，放落口諗住會食到肉味嘅時候，原來係士多啤梨雪糕😂，好有創意同心思嘅甜品。
🫕餐廳特制茶底Cocktail：
第一杯係菊花茶加入蜜糖同玫瑰，飲落甜甜哋帶點玫瑰香味，最後仲有菊花茶嘅甘香餘韻。
第二杯係香片加上青瓜同番石榴汁，味道香甜而帶有青瓜嘅清新口感，非常開胃。
12 views
0 likes
0 comments
5 views
0 likes
0 comments
Post
