Video
Read full review
2021-08-19
941 views
餐廳：靖·火鍋 (天后)地址：天后電氣道68號金輪天地23樓香港人點解成日都打邊爐，但係喺23樓嘅高層，望住無敵大海景🌊，睇住日落前後嘅景色咁打邊爐你又試過未🌄？我就有機會試到喇😎一入到餐廳就已經望到維多利亞港黃昏嘅美景🥰，未開始食嘢已經陶醉係呢個咁靚嘅環境當中。而呢間位於天后金輪天地23樓嘅靖·火鍋亦啱啱開始試業，有幸成為餐廳頭一批嘅食客真喺開心🥳餐廳主打火鍋🍲，除咗散叫之外亦有套餐提供，唔使自己煩要叫啲咩，比一個價錢餐廳就安排好晒特色嘅食物😌因應疫情關係，老闆又非常注重衛生，所以呢度嘅火鍋全部都係一人一鍋，我就揀咗個鎮江牛油麻辣湯底拼澳門豬骨煲湯底鴛鴦鍋🥘，睇返散叫價錢每個鍋都係二十幾至四十幾蚊🤣，勁平！✝️手切本地新鮮牛肉 淥大概20秒就食得🔥，肥膏同筋嘅部位唔多，厚薄均勻，牛肉刀工完整無斷裂，色澤紅潤無瘀血，食落未算入口即溶但牛肉味都幾香濃👌✝️手打新鮮班節蝦丸併潮汕手錘牛筋丸兩款丸𠝹咗十字，當佢哋熟嘅時候就會爆開，咬落爽口，我特別鍾意潮汕手錘牛筋丸嘅香味夠濃郁，咬開嗰陣會輕輕爆汁，非常好食😋✝️手擀三色蔬菜麵講特色又點可以唔提呢個三色蔬菜汁人工手打麵呢🍜？紫色、黃色同綠色嘅麵線浸泡
地址：天后電氣道68號金輪天地23樓
香港人點解成日都打邊爐，但係喺23樓嘅高層，望住無敵大海景🌊，睇住日落前後嘅景色咁打邊爐你又試過未🌄？我就有機會試到喇😎
一入到餐廳就已經望到維多利亞港黃昏嘅美景🥰，未開始食嘢已經陶醉係呢個咁靚嘅環境當中。而呢間位於天后金輪天地23樓嘅靖·火鍋亦啱啱開始試業，有幸成為餐廳頭一批嘅食客真喺開心🥳
餐廳主打火鍋🍲，除咗散叫之外亦有套餐提供，唔使自己煩要叫啲咩，比一個價錢餐廳就安排好晒特色嘅食物😌
因應疫情關係，老闆又非常注重衛生，所以呢度嘅火鍋全部都係一人一鍋，
我就揀咗個鎮江牛油麻辣湯底拼澳門豬骨煲湯底鴛鴦鍋🥘，睇返散叫價錢每個鍋都係二十幾至四十幾蚊🤣，勁平！
✝️手切本地新鮮牛肉
淥大概20秒就食得🔥，肥膏同筋嘅部位唔多，厚薄均勻，牛肉刀工完整無斷裂，色澤紅潤無瘀血，食落未算入口即溶但牛肉味都幾香濃👌
✝️手打新鮮班節蝦丸併潮汕手錘牛筋丸
兩款丸𠝹咗十字，當佢哋熟嘅時候就會爆開，咬落爽口，我特別鍾意潮汕手錘牛筋丸嘅香味夠濃郁，咬開嗰陣會輕輕爆汁，非常好食😋
✝️手擀三色蔬菜麵
講特色又點可以唔提呢個三色蔬菜汁人工手打麵呢🍜？紫色、黃色同綠色嘅麵線浸泡喺豬骨濃湯入面，咬落有韌度又吸收晒火鍋配料嘅精華，唔好話食落口，就咁望住彩色嘅麵條都覺得吸引🤩
✝️新疆紅柳枝羊肉串
日日做運動嘅小羊羔肉質細膩，脂肪層薄得嚟又均勻，羶味唔重反而羊香味好出，焦脆嘅羊肉外層，灑上孜然粉同辣椒粉等調味🌶，食落惹味，加上南疆嘅特色紅柳枝串，提供獨特香氣之餘仲更有地道風味🐑
另外仲叫咗特色新鮮牛蛙、
鮮活大海蝦串、
日本蟹柳、手打靚蝦滑、黑松露墨魚滑等。牛蛙本身已經剝好皮斬開碎件上，都處理得幾乾淨👍；再睇吓蟹柳同埋蝦滑墨魚滑嘅擺設都好靚，啲滑新鮮彈牙仲整成心心型添❤️呢度嘅環境真係好適合慶祝節日同chill，最啱一家人或者同成班好朋友喺到一邊食一邊吹水🗣
Post
