酒鍋 (V Point) (Closed)

為左可以由日景望到夜景，我同男朋友第一次六點半咁早打邊爐XD 可能真是太早關係，第一枱客就係我地，好輕易就坐到窗邊位！先黎一幅大合照先 幾浪漫😙坐低先叫竹蔗茅根和檸檬薏米水，清熱降火又去濕另外叫左黃金炸魚皮，店員千叮萬囑叫我地趁熱食，新鮮炸起脆卜卜，鹹蛋味濃，好好食!湯底擇左『酒火入鍋』有齊五款不同口味的湯底，有木瓜鍋、蕃茄波士頓龍蝦鍋、四川麻辣鍋、清湯蘿蔔牛腩鍋、潮州沙爹鍋。其中一個湯底是麻辣湯底，但我地不食辣嘛，員工超好人轉左花膠雞鍋俾我!!!開始時，員工會先倒入玫瑰露，中間的木瓜鍋即刻燒起來🔥之後再加入湯底營造煙霧效果，呢個畫面維持左一段時間，好有視覺效果，非常過癮! 每一格湯底都真材實料！而我最鍾意木瓜鍋和蕃茄波士頓龍蝦鍋，前者有原個木瓜和大蝦夠曬清甜滋潤，後者有原隻龍蝦加濃郁番茄湯底輪到火鍋配料。。。三色鮮制生麵次次打邊爐都係烏冬同出前一丁，今次特別d擇左由菠菜、甘荀、墨汁制成的三色麵，滾完後麵質依然保持幼細彈牙👍🏻黑松露蝦蟹餃一咬外皮，滿口散發出超濃郁的黑松露味開心農場🐻酒鍋熊、🐤咪酒雞、🐧開心企鵝、🐷金豬報喜，一共四款動物造型的手打丸，可愛到爆燈，睇得又食得！頂級安格