Video
Read full review
2015-06-25
3128 views
「望穿秋水」意思喺形容對遠地親友嘅殷切盼望，小弟就無乜親人晌外地，所以，比較少有依一種感覺。不過，有時約朋友食飯，尤其耐無見嘅朋友，就真喺有少少望穿秋水卒之約到一齊食飯嘅感覺。今晚嚟到川燒，唔使望穿秋水啦，可以開懷一番 。門外放有兩枱4、6人枱，明顯喺為吸煙人士而設，不過，家下大熱天時，相信肯坐嘅人唔多，寧願食少次煙入去涼冷氣啦。室內環境比想像中大，不過，都喺坐到30人左右，裝修以中國風為主，深色柚木枱櫈，通花紅燈籠，有份古色古香嘅感覺 。雖然只喺閒日嘅一夜，但估唔到一樣客似雲來，坐滿八、九乘，有部份枱仲可以翻多一轉客。牆上嘅黑板，都列有唔少推介菜式，亦有是日有供應嘅海鮮。「餐牌」亦即喺點菜紙，主要分為6大類：特色小食、新鮮海鮮、風味肉類、健康素菜、飯類、甜品，另加啤酒、汽水……等飲品。菜式上見到讚好標誌表示廚師推介，而火辣辣嘅公仔唔講都明啦，此外，仲有唔少新出品 。海鮮類，一共有廿多款，有一半喺以時價計錢，亦未必一定有貨，但牆上黑板都會寫低是晚時令，好海鮮嘅朋友不妨留意下。 汁燒一品鮑（時價） $55 / 隻 當晚嘅鮑魚定價$55隻，喺南非嚟，都幾大隻，以汁燒烹調，好入味
門外放有兩枱4、6人枱，明顯喺為吸煙人士而設，不過，家下大熱天時，相信肯坐嘅人唔多，寧願食少次煙入去涼冷氣啦。
室內環境比想像中大，不過，都喺坐到30人左右，裝修以中國風為主，深色柚木枱櫈，通花紅燈籠，有份古色古香嘅感覺 。雖然只喺閒日嘅一夜，但估唔到一樣客似雲來，坐滿八、九乘，有部份枱仲可以翻多一轉客。
牆上嘅黑板，都列有唔少推介菜式，亦有是日有供應嘅海鮮。
「餐牌」亦即喺點菜紙，主要分為6大類：特色小食、新鮮海鮮、風味肉類、健康素菜、飯類、甜品，另加啤酒、汽水……等飲品。菜式上見到讚好標誌表示廚師推介，而火辣辣嘅公仔唔講都明啦，此外，仲有唔少新出品 。
海鮮類，一共有廿多款，有一半喺以時價計錢，亦未必一定有貨，但牆上黑板都會寫低是晚時令，好海鮮嘅朋友不妨留意下。
汁燒一品鮑（時價） $55 / 隻 當晚嘅鮑魚定價$55隻，喺南非嚟，都幾大隻，以汁燒烹調，好入味，而鮑魚鮮味亦都唔差。師傅無切成薄片，只輕鎅兩刀，所以，初時食第一啖覺得煙韌還煙韌，但底位有少許實，之後切薄片食就感覺好多。故此，我哋都建設師傅燒好後，先切成薄片奉客，效果好啲之餘，又方便到客人享用。
汁燒一品鮑
$55
61 views
0 likes
0 comments
燒日本黑豚肉露筍卷 $28
以前多數點煙肉荔枝卷，川燒都有供應，不過，唔知露筍卷又如何。日本黑豚肉無煙肉咁肥，露筍爽脆無渣 ，又加咗孜然粉，的確幾好食。
燒日本黑豚肉露筍卷
$28
62 views
0 likes
0 comments
再追加個黑豚肉秋葵卷，雖然只喺鹽燒，無添加任何香料，但味道同樣唔錯，秋葵軟軟腍腍，滑滑潺潺咁，配黑豚肉效果唔錯。
鹽燒黑豚肉秋葵卷
$20
129 views
0 likes
0 comments
幾得意嘅概念，以腐皮卷捲住啲鮮蝦膠做串燒，蝦膠鮮做算幾彈牙，而腐皮卷脆卜卜，不過，調味要改善吓，之前嘅串燒調味恰到好處，但個鮮蝦膠腐皮卷卻喺過鹹。
燒鮮蝦膠腐皮卷
$28
105 views
0 likes
0 comments
羊仔架一客有兩大件，算抵食，又燒得甘香吸引，唔點芥辣都一樣好味道，而且，雖然話喺羊仔架，但羊味幾濃，唯一挑剔有部份位置黐住筋位，入口頗韌，但整體仍屬軟腍。
燒羊仔架
$56
156 views
0 likes
0 comments
晌美式餐廳食豬肋骨就試得多，晌串燒店就少啲，川燒嘅豬肋骨一份都幾多，伴青瓜片，而豬肋骨燒得金黃，唧吓檸檬汁，入口焦香得嚟，有點點清新酸香味，食落都唔會覺得太油膩，而且，肉質一啲都唔嚡，頗鬆化添。
秘製醬燒BB豬肋骨
$128
111 views
0 likes
0 comments
飲品方面，有可樂、雪碧、忌廉，本來想要加多寶，卻喺無貨，退而求其次，清熱解渴嘅 竹蔗茅根、銀菊露都啱我。
法式燒綿花糖朱古力厚多士 $48 最後嚟個一點甜，曾經晌其他串燒店試過燒綿花糖夾梳打餅，今次貪得意試試夾厚多士，睇睇點「法式」燒綿花糖法，原來，喺配法包，咁個名喺咪應該改為「燒綿花糖朱古力法式多士」呢？件法包烘得香脆，又塗滿牛油，綿花糖溶溶哋唔太過火，淋上朱古力漿，真喺甜蜜滿瀉。最有驚喜喺綿花糖與法包之間，夾有一層薄薄嘅香蕉果肉，讓味道多一層變化，值得一試 。
法式燒綿花糖朱古力厚多士
$48
70 views
0 likes
0 comments
川燒唔單止選擇多，取價亦公道，唔怪得有咁多人幫襯，而且，見有啲客同店員有傾有講，相信喺熟客捧場；再者，不論小食，還是串燒，從餐牌中都見到唔少創意，可謂滴水「川」石（成語原文喺用個「穿」字），比喻只要有恒心，不斷努力，事情一定成功，希望店家「川」（穿）上雲霄 。
Post
