小茶角 (啟豐商場) (Closed)

屯門其中一個優點係有著大海景，甚至電影都黎取景。而小茶角就可以一路食著牛角包，一路欣賞海邊。店舖樓面唔大，望海嘅位置唔多，所以想望海食都要睇運數。我點咗海牛，即係吞拿魚加粟米。牛角包好鬆化，幾鍾意呢個質感嘅牛角包，又唔油淋淋。每口都有吞拿魚，吊起左個味。入邊嘅生菜增加左爽脆嘅口感，令到成個包更加refreshing，食落唔會太有罪惡感。飲品方面叫咗芝士奶蓋烏龍茶可惜奶蓋太杰同埋冇芝士鹹香。加嘢飲送薯角，薯角好夠厚。雖然係即炸，但唔太脆。