Video
Read full review
2018-02-25
211 views
之前在ig已有留意到呢間mini club，被佢個倒轉粉紅巴黎鐵塔所吸引，於是就相約友人來試試，餐廳好近mtr，就係銅鑼灣c出口對面的駱克駅一樓，上到去燈光昏暗，除了最吸晴的倒轉粉紅巴黎鐵塔，仲有霓虹燈字，裝修都好有格調同有氣氛呢💖！🌟精選生蠔$45/3，海膽生蠔$84/3首先先來點生蠔做頭盤，精選生蠔新鮮又鮮甜，仲帶點海水的香味，而另一款海膽加上生蠔，賣相不錯，味道鮮美！🌟狂野摩天輪$128在meun看到這個小食，覺得好得意好吸晴，用上摩天輪來載着五款炸物，分別有炸雞翼，炸蠔，炸肉丸，蝦天婦羅和烤焗雞塊。全部都係熱辣辣同香口嘅小食。最愛炸肉丸，咬下仲有肉汁鎖在入面，正！🌟冬日安格斯牛肉·海鮮龍蝦湯窩$275個龍蝦湯窩有香濃龍蝦味，個湯偏杰身的， 任何配菜點下呢個湯都可有濃濃的龍蝦味，加上有安格斯牛肉，牛味同龍蝦味原來都幾夾喎！🌟極上12安士炭燒安格斯牛仔骨$148肉質非常鮮味，炭燒更能帶出牛仔骨味道！牛仔骨非常大塊多肉，唔洗怕因有骨就肉會少而唔夠食。🌟The Love of Eiffel $288食完主菜，點少得食甜品，呢個The Love of Eiffel 成個以粉紅色嘅艾菲爾鐵
之前在ig已有留意到呢間mini club，被佢個倒轉粉紅巴黎鐵塔所吸引，於是就相約友人來試試，餐廳好近mtr，就係銅鑼灣c出口對面的駱克駅一樓，上到去燈光昏暗，除了最吸晴的倒轉粉紅巴黎鐵塔，仲有霓虹燈字，裝修都好有格調同有氣氛呢💖！
🌟精選生蠔$45/3，海膽生蠔$84/3
首先先來點生蠔做頭盤，精選生蠔新鮮又鮮甜，仲帶點海水的香味，而另一款海膽加上生蠔，賣相不錯，味道鮮美！
🌟狂野摩天輪$128
在meun看到這個小食，覺得好得意好吸晴，用上摩天輪來載着五款炸物，分別有炸雞翼，炸蠔，炸肉丸，蝦天婦羅和烤焗雞塊。全部都係熱辣辣同香口嘅小食。最愛炸肉丸，咬下仲有肉汁鎖在入面，正！
🌟冬日安格斯牛肉·海鮮龍蝦湯窩$275
個龍蝦湯窩有香濃龍蝦味，個湯偏杰身的， 任何配菜點下呢個湯都可有濃濃的龍蝦味，
加上有安格斯牛肉，牛味同龍蝦味原來都幾夾喎！
🌟極上12安士炭燒安格斯牛仔骨$148
肉質非常鮮味，炭燒更能帶出牛仔骨味道！牛仔骨非常大塊多肉，唔洗怕因有骨就肉會少而唔夠食。
🌟The Love of Eiffel $288
食完主菜，點少得食甜品，呢個The Love of Eiffel 成個以粉紅色嘅艾菲爾鐵塔裝住，超靚啊，少女心大爆發💕鐵塔底部仲有乾冰嘅煙霧效果，好浪漫，影相一流😍
Post
