Video
Read full review
2009-03-11
13 views
終於去左喇好開心呀!!!多謝2位好朋友陪我去!!!為左杯朱古力, 一定會再去!!!>V<位於灣仔海軍商場既VERO, 非常隔涉!! 又懶又唔願周圍搵既我, 本來諗住搭的士去,不過朋友堅持唔搭的士!! 佢話慢慢搵先過癮喎!! 結果由入境大樓慢慢行過去, 傾下講下其實好快搵到, 就係演藝學院對面咋!! 真係好難想像殘舊既海軍商場會有間咁特別既朱古力店=)店內裝潢明亮簡潔, 一入門口左邊係酒吧, 右邊有間玻璃房,前面有個大廚房, 出面放左好多迷你muffins,再行前d就係長長既走廊, 打直一排桌椅,果陣5點鐘, 只係坐剩最尾2張枱咋!! 估唔到咁多人!!Xocolati Dark 70% $45每人一杯必叫熱朱古力!!一送黎, 表面有一塊已經開始溶化既黑朱古力薄片,然後, 睇住佢逐d逐d慢慢溶...慢慢沉...最後, 整塊薄片溶晒係表面...攪一攪, 飲一啖, 嘩!!! 真係好滿足!!>V<被又杰又濃郁既熱朱古力漿住個口!! 不過質感唔算滑, 有少少沙沙地, 如果加少少奶可能更滑更美味=)只售$45一杯, 絕對超值!!不過一定要趁熱飲, 因為凍左會超級漿住
終於去左喇好開心呀!!!多謝2位好朋友陪我去!!!
為左杯朱古力, 一定會再去!!!>V<
位於灣仔海軍商場既VERO, 非常隔涉!! 又懶又唔願周圍搵既我, 本來諗住搭的士去,不過朋友堅持唔搭的士!! 佢話慢慢搵先過癮喎!! 結果由入境大樓慢慢行過去, 傾下講下其實好快搵到, 就係演藝學院對面咋!! 真係好難想像殘舊既海軍商場會有間咁特別既朱古力店=)
店內裝潢明亮簡潔, 一入門口左邊係酒吧, 右邊有間玻璃房,
前面有個大廚房, 出面放左好多迷你muffins,
再行前d就係長長既走廊, 打直一排桌椅,
果陣5點鐘, 只係坐剩最尾2張枱咋!! 估唔到咁多人!!
Xocolati Dark 70% $45
每人一杯必叫熱朱古力!!
一送黎, 表面有一塊已經開始溶化既黑朱古力薄片,
然後, 睇住佢逐d逐d慢慢溶...慢慢沉...
最後, 整塊薄片溶晒係表面...
攪一攪, 飲一啖, 嘩!!! 真係好滿足!!>V<
被又杰又濃郁既熱朱古力漿住個口!!
不過質感唔算滑, 有少少沙沙地, 如果加少少奶可能更滑更美味=)
只售$45一杯, 絕對超值!!
不過一定要趁熱飲, 因為凍左會超級漿住個口架好漏
呢杯真係我飲過最美味既chocolate drink!!!
========================
Premium Jar Collection $108
menu上有9款, 可揀其中5款,
5款朱古力都唔算滑, 勝在味道創新, 都唔錯=)
由左至右講起>>
Mallows*
條狀棉花糖外係一層黑朱古力薄coating,
黑朱古力濃, 棉花糖軟綿綿又唔太甜, 幾好味
Lemon Drops*
下層係黑朱古力,
上層白朱古力有突出既清香檸檬味, 好味!!
Golden Popcorn*
焦糖爆谷外係一層黑朱古力coating
面頭仲有兩塊小金箔, 令成個collection生色不少,
最鐘意呢款=)
Yogurt Clusters*
無諗過係白朱古力包住提子乾,
唔係好食得出yogurt味, 味道普通
Premium Sparks*
睇完OR食評特登叫的一款,
黑朱古力條入面除左有nuts,仲有爆炸糖!!
爆炸糖雖然唔多, 但依然感覺到佢係口入面啪啪跳動
非常有趣!!>V<
========================
一埸黎到, 決定試多一樣野!!
Premium 5 Muffins $78
Muffin鬆軟, 唔會過份濕潤, 唔錯, 不過可惜唔夠熱`
更估唔到細細舊muffin,當中有4款係驚喜的!!
由左至右>>>
Pink Himalayan Caramel*
切開平平無奇既muffin, 入面竟然有美味既朱古力拖肥醬!!
面頭微脆, 相當好味=)
Dark 70%*
切開朱古力muffin, 入面係濃郁既軟心朱古力醬!!!
好好味!!我最鐘意的一款!!
Rosemary*
實在估唔到...平時落係牛扒/羊扒/意粉上既香草,
混係蛋糕入面, 又幾特別喎,
好香之餘, 味道亦唔錯, 一位朋友話最鐘意呢款*
Blueberry*
平常食慣既款式, 味道不過不失,
混入藍莓果醬, 藍莓味唔重唔香, 算係最普通的一款`
Banana & Mint*
望落怪異既組合, 但味道又出奇地有驚喜!!
濃濃既香蕉味+淡淡既薄荷, 帶丁點冰涼感覺,
面頭仲有一片香蕉肉, 味道創新特別, 卻又甚討好=)
========================
食飽飽, 當然要參觀下間玻璃房啦!!!
入面展示左多款VERO朱古力禮盒, 仲放左大量靚靚朱古力藝術品!!
有拎住打蛋器既兵馬俑, 高爭鞋, 玫瑰花等等...好靚!!!
服務方面, 雖然店員無介紹任何朱古力俾我地(可能因為我地無問),
但個個都好nice好好笑容, 有個外籍女仔仲好靚女添^^
本應VERO係飲野傾計嘆個下午茶既好地方,
可惜落地大玻璃窗外面景觀麻麻...望住一大片泥黃色既填海工程...
一入到黎既時候真係有一剎那破壞左心情啊
好在飲+食到美味朱古力, 嘆左個美妙既下午, 我地都得以滿足咁離開
真係超級快樂既一日!!
Post
