鋒哥廚房 (Closed)

今次一早過嚟元朗見到有間好多人排隊嘅餐廳，所以拉住老公叫佢陪我試下食早餐👐🏻一朝早都幾多人排隊😳🌻 脆香魚柳配三角薯餅珍寶牛角包煎蛋🌼賣相靚靚。脆香魚柳同埋三角薯餅都炸得金黃香脆👍🏻牛角包溫暖又酥脆，夾埋太陽蛋同埋蕃茄食，係人間美食啊！🌻雪菜肉絲米粉🌼海量嘅雪菜同肉絲，令到米粉更香口入味，老公都估唔到我食到咁大份早餐！我對於自己能夠熄晒都感到好驚訝🤣🌻丹麥多士+炒蛋 🌼丹麥多士香脆鬆化，老公最愛！佢食到讚不絕口，仲有滑滑的炒蛋，令人有一個醒晨又開心既早上😋🌻 鋒哥蕃茄濃湯+韓國麵🌼鋒哥叻！呢個蕃茄濃湯真係我食過咁多間餐廳裏面，最濃郁最好味最足料嘅蕃茄濃湯！再配上好有彈性嘅韓國麵，每啖都食到‘雪雪’聲，實在太好味啦！食完之後，唔怪得知咁多人排隊，必食！