吉列牛忌廉烏冬專門店 (百樂中心) (Closed)

聽聞這間吉列牛忌廉烏冬專門店好出名，今日的中文終於有機會跟埋同事一起去朝聖一下。餐廳的午餐set 選擇都幾多，而且價錢合理。不過黎到無理由唔食餐廳最出名的吉列牛同忌廉烏冬！！咖喱忌廉烏冬：呢個忌廉賣相白雪雪面層鋪滿忌廉，底下就係咖喱烏冬。一開始會以爲好肥同好漏，點知食落去一D都唔漏，而且咖喱味很濃郁加埋Q軟的烏冬和嫩滑的雞肉整體係非常夾，唔怪得係餐廳的招牌菜。美式頂級牛里脊套餐：剛上的牛里脊是3成熟左右，因爲同事唔食太生所以我地放上爐燒左陣，牛里脊肉質鬆軟人口也是蠻嫩滑的，而且配合秘製醬汁和黑松露醬一齊食。而配菜方面有有炒香的洋葱和芝士大啡菇。大啡菇肉汁豐富加上芝士洋葱的配搭口感十足。鹹蛋薯條：每條薯條都有鋪上金黃的鹹蛋醬汁，香脆可口！而且不會太咸。這到菜夠創新味道不錯。