好好運快餐店 (Closed)

好好運@荔枝角朝聖沙嗲牛肉公仔麵呢間好好運，入去食真係要有啲運，佢長期大排長龍，你要有啲耐性排。裝修簡單，枱同枱之間比較迫，不過總算乾淨企理，為咗食美食，通常都唔會介意迫下同等吓。我今次好好運，等咗大概5分鐘，坐落都算舒服，嘢食好快送到嚟，真正快、靚、正！金牌沙嗲牛肉公仔麵個麵爽口彈牙，一d都唔淋，呢個係基本。最正係佢嘅餐肉夠厚，而且兩面都煎過，夠晒香口;牛肉份量較多，而且醃得入味。最正係個沙嗲汁，好濃郁，真係令你食唔停口，食完又好滿足。