Via Tokyo (Closed)

下午六點衝住宇治抹茶芝士蛋糕去到Via Tokyo尖沙咀新開嘅分店，點知已經賣哂，連抹茶卷都無哂 好傷心呀！唯有食咗其他款先。流心朱古力蛋糕($45) 我覺得叫軟心朱古力蛋糕會比較貼切，中間嘅朱古力非常軟滑濃郁，感覺似食緊軟心朱古力，蛋糕最外薄薄一層係朱古力蛋糕，整體朱古力唔會太甜，但係一個人食完成件有啲膩，同朋友share應該會好啲。食唔到抹茶芝士蛋糕同抹茶卷，好彩仲有呢個抹茶拿破崙。宇治抹茶拿破崙 ($42)拿破崙酥脆帶牛油香，最上層嘅脆餅加咗糖，甜甜哋好好食抹茶方面真係唔駛講，無可否認呢度嘅抹茶甜品真係做得好岀色！宇治抹茶忌廉中間帶點空氣感，抹茶濃香帶回甘，甜味恰到好處。最難得係新店唔駛排隊，慢慢食完再飲返杯茶先都仲得。