black n white (Closed)

Black n White其實就係大角咀既，不過地址就真係唔算太就腳，係奧運站行過去都仲有一段距離要行，當然依個距離就無影響到客佢去,，慢慢行下行下都已經見到一條好長既隊,真係客似雲來,其實大家都係黎依到朝聖既姐！Black n White當然店如其名，環境同裝潢一律都係黑白色，非常之有性格,係個咁既環境食住甜品真係太快人手，鍾意環境加埋甜品既你,當然要黎依到試番次！入番正題,今次同朋友叫左依個Earl Grey Mousse Cake同埋依個Raspberry Mousse Cake。伯爵茶慕絲配埋青蘋果雪,賣相絕對殺死人,一支白朱古力棒連埋慕絲同雪芭，外觀已經嬴左,食落去味道係非常之咁清新，Earl Grey比較獨特既味道加埋好滑既慕絲,食落好夾,而伴碟既青蘋果雪芭就當然非常冰冷食落有少少酸味，口感夠哂層次。Raspberry Mousse Cake依間就比較酸，但紅莓既味令到非常濃既Dark Chocolate cake食落一D都唔膩,果然有水準。