Video
Read full review
2020-03-20
1174 views
之前睇YouTuber介紹過呢間Pizza好正宗，用100%全人手製作拿玻里麵團，又用門口睇到大大個嘅烤爐做，都已經心思思想食。今日嚟到銅鑼灣，咁啱朋友建議話去，終於機會嚟啦。地方好闊落，人流都唔多，所以坐得幾舒服。少少暗淡嘅環境帶來一陣摩登型格風格。黎到當然一定試pizza。值得一讚地方係有得半半pizza叫，唔洗要額外加錢就可以試到兩款自選口味。價錢跟較貴嗰個Pizza，13吋定價為$19x-24x，中價。我地唔似意大利人咁有原則，對於有菠蘿嘅Pizza都好歡迎，叫咗兩個菠蘿嘅口味，分別係半個Summer of Love 1967同半個椰香夏威夷人。Pizza嘅批底偏向薄批，好彩同時唔會好似餅乾咁脆。Pizza比較韌身，係肺炎肆虐下，當要用刀叉食pizza，就難切，尤其係批邊。餐廳細心位係切咗六份，剛剛好我地三個每人每個口味一舊。Summer of Love 1967有辣椒蜜糖，食落微辣，淡淡蜜糖味加埋火腿、肉腸嘅咸味，令味道好豐富。椰香夏威夷人就比較遜色。一黎椰絲太少，冇椰香味，失去呢個批最大賣點。二係味道偏重，單一係少少咸。呢個批比Summer of Love 1967亦較少芝
地方好闊落，人流都唔多，所以坐得幾舒服。少少暗淡嘅環境帶來一陣摩登型格風格。
黎到當然一定試pizza。值得一讚地方係有得半半pizza叫，唔洗要額外加錢就可以試到兩款自選口味。價錢跟較貴嗰個Pizza，13吋定價為$19x-24x，中價。
我地唔似意大利人咁有原則，對於有菠蘿嘅Pizza都好歡迎，叫咗兩個菠蘿嘅口味，分別係半個Summer of Love 1967同半個椰香夏威夷人。Pizza嘅批底偏向薄批，好彩同時唔會好似餅乾咁脆。Pizza比較韌身，係肺炎肆虐下，當要用刀叉食pizza，就難切，尤其係批邊。餐廳細心位係切咗六份，剛剛好我地三個每人每個口味一舊。
Summer of Love 1967
120 views
0 likes
0 comments
Summer of Love 1967有辣椒蜜糖，食落微辣，淡淡蜜糖味加埋火腿、肉腸嘅咸味，令味道好豐富。
椰香夏威夷人
89 views
0 likes
0 comments
椰香夏威夷人就比較遜色。一黎椰絲太少，冇椰香味，失去呢個批最大賣點。二係味道偏重，單一係少少咸。呢個批比Summer of Love 1967亦較少芝士味。
Summer of Love 1967唔錯，但Mother of Pizzas 未能榮升到我最鍾意嘅Pizza，仲有幾間好過佢，例如韓式嘅Pizza。但對於係銅鑼灣食返餐唔錯嘅，呢間CP值都okay。
Post
