Video
Read full review
2013-06-13
342 views
最近愛上咗私房菜，原因係每間私房菜都有其個人風格及特色，而且又可以因應個人喜好，特別適度添減。一路落來，試過港九多間私房菜。給我感覺最特別的始終就係Secretland，原因係有兩個：1. 十分超值，人頭費220，十款美食，點計都十分划算。2. 神秘感十足。除非你要求否則喺你開餐之前，你都唔會知道你會有D咩食，因為佢只會問你唔食D咩，而通常都唔會話你知有D咩食。計落，我前前後後都同D唔同的FD去過三次有多，而且每次都係食很開心滿足。而呢度亦都係唯一一間，我會一而再，再而三咁去食的私房菜，不特止，亦都會係我十分推荐俾身邊朋友的一間私房菜之一。最近又再想去，於是打去Book位，點知就吃咗閉門羹，因為已經滿座。老闆於是乎推薦我去佢老友果間SECRETTASTE，收費係$350/HEAD(比Secretland貴得多，足足50%，但喺私房菜嚟講，其實相當合理)。但有D驚，因為上Openrice 搵唔到佢任何資料，但基於對Secretland的信任，於是乎本住一試無防的心態，照去啦。7點零上到去(果條樓梯有D難頂，有點窄而且有點斜，大熱天行到上去己有小小汗意)先知道原來係新開(真係好新，後來先知
1. 十分超值，人頭費220，十款美食，點計都十分划算。
2. 神秘感十足。除非你要求否則喺你開餐之前，你都唔會知道你會有D咩食，因為佢只會問你唔食D咩，而通常都唔會話你知有D咩食。
計落，我前前後後都同D唔同的FD去過三次有多，而且每次都係食很開心滿足。而呢度亦都係唯一一間，我會一而再，再而三咁去食的私房菜，不特止，亦都會係我十分推荐俾身邊朋友的一間私房菜之一。
最近又再想去，於是打去Book位，點知就吃咗閉門羹，因為已經滿座。老闆於是乎推薦我去佢老友果間SECRETTASTE，收費係$350/HEAD(比Secretland貴得多，足足50%，但喺私房菜嚟講，其實相當合理)。但有D驚，因為上Openrice 搵唔到佢任何資料，但基於對Secretland的信任，於是乎本住一試無防的心態，照去啦。
7點零上到去(果條樓梯有D難頂，有點窄而且有點斜，大熱天行到上去己有小小汗意)先知道原來係新開(真係好新，後來先知道原來我就係果度的第二枱客...HaHa...)，屋內以紫色為主，配以紅色枱布及球形吊燈，說不上高貴更稱不上華麗，但加上燈光，俾人感覺十分舒適，別有一番風味。屋內另有一間玻璃房，落咗一幅相當別緻的吊簾，因而令房內若隠若現，為間房增添幾分神秘。但眼見房內擺咗D雜物，明顯還未READY接客，本來己有轉位打算亦因而作罷。由於當晚只得我們一枱客兩丁友，所以環境十分寧靜舒服，加上播住優雅的Jazz樂，開正我們果飯，倍加舒適。
當晚還開咗兩支紅酒(本想自備，但怕冇時間買，又諗起SECRETLAND有好多唔錯的選擇，於是Book位果陣問起，順便要佢帮我預備埋)，坐低片刻，頭盤 parma ham黑松露salad便已煮好，接住係 磨菇濃湯，之後係主菜之一，朋友揀咗 芝士番茄烤Salmon，而我則擇揀咗 白酒煮籃青口，然後係 牛肝菌天使麵，以及甜品 特濃朱古力慕絲。
對於個salad，雖然燈光有點昏暗，但並沒有掩去Parma Ham亮澤的油光，可見所選用的應屬上剩的貨色，嗒落富海鹽的鹹香，回甘豐盈。最好配合salad菜一齊食，可感低Ham的強烈鹹味。但若果飲紅酒，則建議淨吃，將薄片捲起放入口中慢慢咀嚼，送上一口紅酒，係極美妙的享受。呢道salad，獨特之處在於個salad汁，厨師選用咗意大利黑醋為基汁，再配以其它其它香料，味道討好。略嫌黑松露份量太少，若能放多些，則更出色。用意大利黑醋為基汁並不新穎，但能做得好的，實在唔多。
磨菇濃湯，呢道餸其實真係千篇一律，因為實在太耐，未曾有過驚喜。但呢晚居然可以俾我搵到第一千零一篇，但說穿了好簡單，其實只不過係厨師對湯中每個元素的份量拿捏得精準而已，當然還有火候。但話就易，要真係做到，絶對係難度爆燈。所以呢道磨菇濃湯做得十分出色，色香味都配合得恰到好處，如果可以加小小白松露粉吊一吊味，簡直完美。
可能因為之前的兩道前菜的出色，而產生咗對主菜的期望，所以來到主菜反而有點兒失望。先係籃青口，個汁的味道太濃，而份量亦稍多，所以搶咗主角青口的鮮味。個人覺得可以將個汁校稀D，而奶的份量減dd應該會更好味。當然呢道餸絶非唔好，只不過係我期望太高而己。
至於個三文魚，則有D過火，令魚肉質有點干而唔够滑(其實厨師上呢道菜時亦有提過個魚有D過火，由於時間關係，來唔切再整，叫我們將就一次)，呢D服務態度真係冇得頂。調味不俗，相當可口。最欣賞的係當中伴菜---露筍，因為平時食露筍，唔係煮得太老，就係一浸草腥味，呢度煮得啱啱好，保留咗其清新爽脆的特質，而又完全唔覺有唔够熟所帶來的草腥味，簡直就係一個字"掂"。
另一主菜牛肝菌天使麵，係我十分推介的一道菜。原因亦係因為麵煮得剛剛好，彈牙而不至於過硬(要及時食用，擺耐咗會失去麵的質感)。菜中選用了黃牛肝菌來做汁，味道配合亦相當討好，非常惹味。
至於甜品，由於本人從來都不好，所以只係公式化咁食咗一口，感覺又香又滑。但由於本人對甜品素無心得，所以對於個甜品好唔好、好係邊、好幾多，實在毫無頭緒，所以不作評論。但見朋友食完重想食埋我個份，應該唔差。
對於該晚的菜餚，可用相當滿意來形容，但有樣想提一提，就係食得太飽。原因係每道餸的份量都好多，後來與厨師寒暄先知，原來份量比正常大咗，由於兩個人份量，買材料通常都D有難度。Haha...聽完佢咁講，突然有種掙咗的感覺，真係鬼死咁開心。當然希望有時機再返啅，期待一試佢其它的菜式，期待佢再帶俾我驚喜.....
Other Info. :
由於有酒飲的關係，餐飯食到11點幾先走，後來SECRETLAND老闆還專誠上來打招乎，同佢吹咗陣水。真係開心的一晚......
(The above review is the personal opinion of a user which does not represent OpenRice's point of view.)
Post