皇仁書院舊生會﹝中菜部﹞

Open Now

Now Closed

呢一餐真係期待左好耐嘅飯局，朋友足足BOOK左三個月，仲要係搵咗幾個朋友幫手先BOOK到。細個冇好好讀書，所以大個可以嚟皇仁舊生會食吓飯都好！呢道其實真係唔易搵，坐的士嚟，個司機都唔知係邊度比我落，最後要朋友出嚟接我。裝飾真係冇咩，似正常中式會所，自己獨立一間房，夠晒PRIVACY！朋友一早已經寫好晒菜式，先上呢度好出名嘅富貴佛跳牆。大大隻鮑魚，用料豐富，湯頭濃郁，原盅清燉，呢個嚟到必定要點！！蜜餞金蠔，大大隻桶蠔，先炸再淋上桂花糖汁，鮮甜美味！豉油皇中蝦，蝦肉爽口，選用海中蝦。鮮蟹粉扒豆苗，蟹粉份量多得驚人，即扒多一碗白飯。缽仔焗魚腸，而家越黎越難食到，因為工序煩複但又賣唔起錢，做得好食嘅就更加唔多啦。呢道菜都算係近年我食過數一數二嘅餐廳。