Tuttimelon (Closed)

等到頸都長埋，先至等到tuttimelon開張，趁住今日係星期日，帶埋哥哥一齊去試試新嘢。今日大概三點去到，人唔算太多，嚮門口當眼處已經見到幾部自助乳酪機，有原味啦、芋頭味啦、椰子味啦、巨峰提子味啦、藍莓味啦,......本身呢度係可以試食嘅，不過所有staff都serve緊其他人，我哋唯有博一博，揀佐原味and巨峰提子味，再加佐士多啤梨粒同nuts做topping。我哋好興奮咁食第一啖,....無味嘅???再食真啲，真係冇味喎！！！草餅已經試過好幾間yogurt店，好似yo mama，best berry，holy cow，.......呢間真係唯一一間無乳酪味yogurt店。唯一可取嘅係啲nuts趣卜卜，士多啤梨粒新鮮，不過主角咁令人失望，配角再好都冇用啦！