同人鍋 (Closed)

係網上睇到同人鍋既介紹，見到係我最鐘意既海鮮，仲要係任飲任食！無得輸！於是拿拿林約人去食😎當日大約７點半上到去，人唔多，但都有幾枱人坐定定食緊。然後有職員黎問我地要雞煲要辣定唔辣，同埋火鍋要龍蝦定花膠湯。仲幾nice講下d野飲可以係邊攞咁😃等左一陣就上左個雞煲！入面好似係有一隻雞既分量，兩個人食有d多，食完個雞煲都飽左大半😂😂啊！個雞煲仲會同埋d粉皮一齊煮，粉皮索哂d雞汁好好味，雞肉都好嫩滑👍終於到主角出場！先上湯底，係蕃茄薯仔湯，原隻龍蝦跟埋其他海鮮上，仲有一個基本盤會係第一輪上左先，都係丸呀，腸呀，餃呀咁。海鮮拼盤有原隻龍蝦，蟶子皇，鮑魚，魷魚，蠔，鱔片，蜆。係我地流緊口水唔知食邊樣先既時候，有位職員姐姐過黎叫我地食左龍蝦先，仲好好咁幫我地因時間夾起👍(後來知道呢位姐姐原來係聾啞人士，但搵佢落單絕對無問題!而且非常nice)龍蝦可以原條起，爽口，不過隻鉗就難剝左少少。值得推薦既有蟶子皇同鮑魚，兩樣都非常新鮮 鮮甜，而咬落去好爽。松葉蟹鉗我地以為你大大隻，但上枱見到好迷你覺得好搞笑，但味道好好仲有呢粒紫薯水晶包，其實初初以為係芋頭，食落紫薯味好香，而且平時比較少係其他餐廳食到!最後大