Munch (Closed)

好久之前已經想試下Munch，不過從來食飯都一大班人去，都幾難book到枱。因為今次兩個人，所以之前一晚book就book到喇是日，約左一個期待已久既人黎到呢間期限已久既餐廳，本來就好滿足既。不過，唔知係咪坐係角落頭，成日舉手叫人都冇人睇到我地，令我有d覺得自己俾人 遺棄左咁點左個蠔湯，都幾重蠔味，不過就唔夠creamy喇。再黎一個好出名既特級蟹餅，味道同賣相唔錯既，但可能之前聽個個都不斷吹噓勁好食，所以反而覺得唔係想像中食左會飛天果種感覺。主菜只點了一個黑松露帶子扁意粉，幾香呀，意粉又有咬感，仲估唔到咁大碟，以為係fine dining都係有咁細碟得咁細碟最後，點左焦糖燉蛋加乳酪雪葩作結，食果陣，我地都食唔出個雪葩係咩淨係覺得酸酸地咁特別既，要睇番menu先知係乳酪，甜甜的燉蛋加酸酸的雪葩為是晚晚餐寫上了完美的句號。