Video
Read full review
2018-04-21
2553 views
由於太多篇食評冇打，所以同男朋友情人節食晚餐嘅食評去到呢家先得閒打，今次想分享一間好多好評嘅西餐廳，冇錯就系Jamie’s Italian。相信好多人都食過呢間西餐廳，而我一直都好想試，跟住戈陣臨近情人節同男朋友又諗吾到食呢間，就建議左呢間。佢本身係好鍾意食日本菜，但又好似食得太多😂間唔中食下西餐調和下啦。每逢過時過節，餐廳booking full都好正常，所以當晚餐廳既booking當然都系好full，但系都未至於人地遲左少少就催足幾次掛？咁戈日我男朋友就book左7:00既，因為我戈日就放6:30，所以去既時間就趕左啲。聽番我男朋友講，過左7:00之後，佢每隔5分鐘就催一次，明明都同佢講左我就到都仲系系咁催，搞到我自己都要急急腳過去仲要驚佢cancel左我地個booking。幾經辛苦同埋趕急，終於去到戈間餐廳，一坐低已比男朋友系咁呻頭先佢比人催左幾耐同埋幾多次，然後就到晚餐時間。先講講店內環境，系比較暗既環境下有迴旋型既燈罩，帶點浪漫既氣氛。餐廳環境十分大，同其他餐廳一樣都系分卡位、普通坐位，但呢度既普通坐位既缺點就系會同隔離嗰台好近，咁樣就算餐廳嘅氣氛營造到幾浪漫都冇用，客人與客
每逢過時過節，餐廳booking full都好正常，所以當晚餐廳既booking當然都系好full，但系都未至於人地遲左少少就催足幾次掛？咁戈日我男朋友就book左7:00既，因為我戈日就放6:30，所以去既時間就趕左啲。聽番我男朋友講，過左7:00之後，佢每隔5分鐘就催一次，明明都同佢講左我就到都仲系系咁催，搞到我自己都要急急腳過去仲要驚佢cancel左我地個booking。
幾經辛苦同埋趕急，終於去到戈間餐廳，一坐低已比男朋友系咁呻頭先佢比人催左幾耐同埋幾多次，然後就到晚餐時間。先講講店內環境，系比較暗既環境下有迴旋型既燈罩，帶點浪漫既氣氛。餐廳環境十分大，同其他餐廳一樣都系分卡位、普通坐位，但呢度既普通坐位既缺點就系會同隔離嗰台好近，咁樣就算餐廳嘅氣氛營造到幾浪漫都冇用，客人與客人之間好容易聽到隔離傾計。
情人節menu原來系set定左，一面系中文一面系英文，有時睇menu會覺得英文menu仲易睇過中文😅一面中文一面英文，當然都可以散叫既，不過我諗咁貴既情況下應該大多數人都系叫套餐。
前菜叫左個Parma ham，講真我真系覺得味道系比普通更普通，系出面食過既Parma ham起碼系大塊啲，呢塊真系細塊到不得了，應該系1/3手掌既大細。味道就還好吧，都做到同平時既質感一樣，半乾濕既狀態。
開頭仲諗緊個麵包脆棒系去左邊度，因為parma ham戈度話左系有埋，原來系去左龍蝦湯戈度。佢所講既麵包脆棒其實真系一啲都吾脆，只系硬掘掘既既一塊牛油麵包另外就系旁邊戈個龍蝦湯，真心想問個龍蝦湯咩事溝左勁多水，龍蝦味系有的，但溝左咁多水真系吾知想點。
到左龍蝦焗飯，原隻龍蝦頭呈上當然就系為左show佢啲龍蝦真系原隻龍蝦比出黎。然而知道呢樣野又如何蝦頭就夠大，但飯同埋龍蝦肉既份量都好少，單系個樣令人驚嘆系吾足夠的。不過個飯既味道都ok既，有足夠既龍蝦汁，口感還好。
另外一道主菜就系炭燒牛排，其實味道系吾錯的，佢menu已講明有牛油同紅酒汁，牛油我又真系冇諗過系成舊系牛排上面，牛排肉質鮮嫩，切開之後發覺都多汁既。配搭方面，我又冇諗過同牛油都竟然可以match到算系成餐最高質既一道菜。
成餐黎講質素一般般，兩道主菜味道都ok，前菜就吾多解釋了服務更系令人難堪到一個極點個人認為一間餐廳黎講，員工態度比食物既味道重要，就算戈間餐廳食物既味道系好好，但系員工既態度系吾好既，咁戈間餐廳都系吾算真正地成功/ 吾會成功。
Post
