點點心 (Closed)

大約兩、三年前已光顧過點點心，當時地舖式的點心店不多，只有添好運，仲要大排長龍。而當年的點點心，確實係一個唔錯的選擇，唔使排隊得黎，食物有心思而且驚喜十足。幾年間，見到佢一直以來的成長，客人好多元化，粗略估計有一半都係國內外遊客，證明推廣方面，應該落左唔少心思。除左香港開左好幾間分店之外，更厲害之處，係將分店開到去台灣和韓國。作為香港人，見到一個本地的餐廳品牌能夠衝出國際，真係好替佢開心。今日再次光顧，確實同幾年前的感覺有啲不同。點心不再好似以前咁精緻，似係工場的統一出品，多過係現場的即叫即製。另外，比較花時間、心思的點心都已經淘汰左，真係好驚佢有一日會去到粗製濫造的地步。最後寄語佢，業務發展的同時，亦要保持食品的水準。始終，一間餐廳要成功，食品質素先至係首要的條件。