2+2 Café (Closed)

睇哂啲評論，睇落幾好。而且一個人450 有找，咁抵就book 枱試下。 3日前訂位，要on waiting list, 前一日先覆實。前一日下午打黎話有位，咁當然好開心啦。先前酒店話有兩個鐘free parking, 我地就以為係valet parking 嘅， 但原來係自己揸落佢個地庫。自己泊車當然冇問題啦 ，free 2個鐘喎。但一揸到落去就驚喇。窄就係梗架啦，但如果你架車身較低的話，就預左一定刮底。到食物質素，花旗參雞湯，龍蝦鉗， 龍蝦，印度咖哩牛腩，M記雪糕同埋個豆腐花係正嘅。但其他就真係唔係好得，可能啲評論講到好正，期望高左啲，亦有可能係我唔好彩。今晚水準差啲。最後埋單仲送左coupon, 但我就唔會再黎食喇。