戀暖の初茶 (V City) (Closed)

我平時好鍾意周圍買嘢飲。呢間恋暖初茶想試好耐。無奈每次都見到好多人等緊，我又無乜耐性，所以一直以唻都未試過。。。今日行過見到無人，終於有機會試下啦！好多款都好想試個人比較喜歡西柚同葡萄口味的。今次叫咗杯西柚蘇打先講下呢間店嘅服務。坦白講，有啲唔多掂。。。店內有3個職員，店員雖然整緊野，但係我企正喺其中一個店員面前。個店員係望到我的。。另外兩個店員一個背住咗，睇唔到都正常，一個企則邊，佢都有望咗我一下。我拎住張八達通企正收銀位。店員見到招呼都無一個。。。整完手頭上嘅嘢先施施然行過嚟，都無問一句直接準備收錢嘅款。。。我見佢企定準備收錢，我就落單話要杯西柚蘇打。佢就回我，多謝30蚊。由佢望到我到落單，我等咗超過5分鐘。。。到拎得，個店員就咁叫完號碼放低喺枱面就算。。。至於杯飲品呢。。得個甜字。。無西柚味，有啲似橙汁汽水。。真的非常失望。。。。。服務同飲品都咁樣。。。不會再來。。。