Video
Read full review
2018-05-22
540 views
呢日嚟到銅鑼灣皇冠假日酒店嘅CLUB@28試吓佢夏日新出嘅仲夏香芒派對下午茶。餐廳坐落28樓，是酒店的最高層。呢層仲有健身室同泳池。呢間酒吧餐廳好細，室內得兩張梳化枱，另外都係坐高櫈既吧枱，一係就坐室外，都係坐高櫈既枱，不過枱就大張少少，張櫈舒服啲，但呢啲天氣邊坐到室外丫😥。我地訂左枱，都係坐細細張既圓枱。坐得唔舒服。餐牌除左有下午茶仲有小食選擇。包特飲的話緊係試特飲啦！我地一人一款，一款係鮮芒果茶，其實就係芒果味茶包加入鮮芒果粒，細細壺，無甜味，好香既芒果味茶。另外一款係芝士奶蓋芒果雞尾酒，有酒精既，黎到個樣都已經唔多吸引，係有酒味既芒果奶昔，飲唔到芝士奶蓋味，太重酒味，唔好飲既.....呢個係3層既下午茶，最下層係串燒蒜片鐵板牛柳，正常牛柳，蒜片已經唔脆口，唔係特別出色，不過下午茶set有牛柳食亦算驚喜！中間個層有烤芝士火腿迷你三文治，香煎法國鴨肝配多士及芒果粒，香草三文魚麥包，香脆炸魚柳配芒果蛋黃醬。最好食係烤芝士火腿迷你三文治，鴨肝個塊多士烤得過左火，三文魚正常，舊炸魚柳好厚粉。最高個層係甜點，有泰國芒果椰汁糯米飯，楊枝甘露芒果布甸，蘋果香芒拿破崙，迷你忌廉呂宋芒蛋糕，夏威夷果
呢間酒吧餐廳好細，室內得兩張梳化枱，另外都係坐高櫈既吧枱，一係就坐室外，都係坐高櫈既枱，不過枱就大張少少，張櫈舒服啲，但呢啲天氣邊坐到室外丫😥。我地訂左枱，都係坐細細張既圓枱。坐得唔舒服。
餐牌除左有下午茶仲有小食選擇。
包特飲的話緊係試特飲啦！我地一人一款，一款係鮮芒果茶，其實就係芒果味茶包加入鮮芒果粒，細細壺，無甜味，好香既芒果味茶。
芒果茶
30 views
0 likes
0 comments
另外一款係芝士奶蓋芒果雞尾酒，有酒精既，黎到個樣都已經唔多吸引，係有酒味既芒果奶昔，飲唔到芝士奶蓋味，太重酒味，唔好飲既.....
芝士奶蓋芒果雞尾酒
33 views
0 likes
0 comments
呢個係3層既下午茶，最下層係串燒蒜片鐵板牛柳，正常牛柳，蒜片已經唔脆口，唔係特別出色，不過下午茶set有牛柳食亦算驚喜！
中間個層有烤芝士火腿迷你三文治，香煎法國鴨肝配多士及芒果粒，香草三文魚麥包，香脆炸魚柳配芒果蛋黃醬。
最好食係烤芝士火腿迷你三文治，鴨肝個塊多士烤得過左火，三文魚正常，舊炸魚柳好厚粉。
最高個層係甜點，有泰國芒果椰汁糯米飯，楊枝甘露芒果布甸，蘋果香芒拿破崙，迷你忌廉呂宋芒蛋糕，夏威夷果仁朱古力布朗尼。
最有驚喜同好好食既係芒果椰汁糯米飯，糯米飯夠軟夠棉，咸甜味又適中，要喺香港搵到好食嘅芒果糯米飯真係好難，呢度係其中一間！
布甸普通，布朗尼普通(食到一半放棄左)，芒果蛋糕都勁普通，拿破崙嗰兩塊酥皮係唔脆嘅，都係食到一半放棄左。
萬眾期待嘅香芒火焰雪山係最後先上菜，佢喺我哋面前"倒"火，但係火太細，細到我都見唔到個火，一倒完上面啲蛋白忌廉都散埋。因為唔夠火揮發啲酒，食每一啖都係酒味。呢個本來應該係蛋糕包芒果雪糕，太重酒味既關係，我食晒裏面啲雪糕就算了。
總結：有啲失望嘅下午茶，餐廳細同坐得唔舒服，食物普通，可以唔洗特登去試。
Post
