Hungry Lobster (Closed)

一個普通既星期三7點半同朋友黎到銅鑼灣食飯，餐廳已經滿座好彩預先book定枱。餐廳較細坐得好逼，清楚聽到隔離枱既對話。職員友善有禮亦很幫忙地將兩張枱拉開少少。食物選擇算多但想叫套餐就無咩選擇，得兩三個套餐而且偏貴。因爲怕單點唔夠飽就選擇左一個600幾蚊既餐。套餐有4個茶:湯，意粉，包同烤龍蝦。湯:個樣好似幾有心思，但飲落真係無咩特別而且偏咸。餐亦只有一碗湯，同朋友分每人得幾啖。意粉:足料有啲拆細左既龍蝦肉，但味道真係好普通。單點的話可以唔食呢個。Lobster Roll: 足料啖啖肉，包烘過仲甜甜地好好味但包算細個，唔夠喉。烤龍蝦: 龍蝦殻已預先剝好上枱，所以食得輕鬆唔會搞到lea咁hea👍🏻 有龍蝦膏又啖啖肉但都係偏咸。反而薯條幾出色幾好味。總結:餐廳環境淨潔但店面細坐得較逼。職員友善主動，呢樣扺讚👍🏻會主動拎碗碟俾你分食物。套餐選擇少。分量偏細味道偏咸。兩個女仔食係剛剛夠飽的，但如果係有男士share的話就唔夠了。價錢唔算平，以上4樣嘢都要600多元。除非十分愛好龍蝦，否則可以再考慮下。