靠得住粥麵小館 (Closed)

每一次都要排隊所以放棄嘗試，今次early Dinner 時段去試，直入就坐低啦，一見到個鎮店三寶嘅心肝寶貝粥（豬潤加帶子）就不自禁咁點咗啦。比一般粥品店嘅定價貴，點餐會比較經濟，叫咗心肝寶貝粥外，點咗皮蛋瘦肉粥、腸粉、粽，另外加咗個乳鴿套餐可以配魚湯白粥或者白飯。心肝寶貝粥大概有三舊帶子，三舊豬潤，粥底好香不過唔夠滑，可能太大期望，但表現只係一般。乳鴿餐配白粥，乳鴿好新鮮都好有肉地，而魚湯白粥以味道嚟講都真係唔錯。整體而言，粥都係一般水準，不過的確有幾高嘅期望，性價比偏低。