Video
Read full review
2020-05-22
2003 views
食完午餐行過荃新天地，發現原來有鮮芋仙嘅分店，喜出望外，前排剛進軍香港嘅時候幾乎日日喺社交網站俾佢洗版，一直好想試，擇日不如撞日，一行四人即刻衝入去朝聖。店面唔算大，我哋揀咗向住商場內園嘅單行位坐低，揀好食物之後要先到收銀處點餐付款，食物準備好再出去自取。甜品選擇唔算多亦唔算少，主打芋圓同仙草，加入唔同嘅配料成為唔同嘅組合。一直想試呢個喺IG經常出現嘅布丁Q麻糬牛奶冰，賣相唔錯，用嚟打卡一流，估唔到出到嚟份量超大，兩個人分享都嫌多，三個人分就剛剛好，性價比超高！面頭係香濃細滑嘅牛奶雪糕，再淋上黑糖漿，配料有雞蛋布丁、小芋圓、Q麻糬同冬瓜凍。配料份量好多，鋪滿哂成份刨冰，從另一個角度睇效果依然澎湃。Q麻糬質感偏腍，黑白兩種Q麻糬食落差唔多，口感似香蕉糕，略嫌偏腍少少，而且味道過甜，感覺麻麻。小芋圓雖然細細粒，但口感煙韌，食得出淡淡嘅芋頭同地瓜味，芋圓果然係品牌嘅主打，冇令人失望。冬瓜凍甜度適中，味道似冬瓜茶，口感介乎啫喱同蒟蒻中間，感覺清新消暑。呢個組合本身有雞蛋布丁同杏仁布丁各一件，但杏仁布丁已經賣哂，所以兩件都係雞蛋布丁，有少少失望。雞蛋布丁口感嫩滑，甜度適中，但蛋味唔算香濃，中規中
店面唔算大，我哋揀咗向住商場內園嘅單行位坐低，揀好食物之後要先到收銀處點餐付款，食物準備好再出去自取。
甜品選擇唔算多亦唔算少，主打芋圓同仙草，加入唔同嘅配料成為唔同嘅組合。
布丁Q麻糬牛奶冰
$52
72 views
0 likes
0 comments
一直想試呢個喺IG經常出現嘅布丁Q麻糬牛奶冰，賣相唔錯，用嚟打卡一流，估唔到出到嚟份量超大，兩個人分享都嫌多，三個人分就剛剛好，性價比超高！面頭係香濃細滑嘅牛奶雪糕，再淋上黑糖漿，配料有雞蛋布丁、小芋圓、Q麻糬同冬瓜凍。
布丁Q麻糬牛奶冰
$52
38 views
1 likes
0 comments
配料份量好多，鋪滿哂成份刨冰，從另一個角度睇效果依然澎湃。
布丁Q麻糬牛奶冰
$52
29 views
0 likes
0 comments
Q麻糬質感偏腍，黑白兩種Q麻糬食落差唔多，口感似香蕉糕，略嫌偏腍少少，而且味道過甜，感覺麻麻。
布丁Q麻糬牛奶冰
$52
18 views
2 likes
0 comments
小芋圓雖然細細粒，但口感煙韌，食得出淡淡嘅芋頭同地瓜味，芋圓果然係品牌嘅主打，冇令人失望。
布丁Q麻糬牛奶冰
$52
20 views
0 likes
0 comments
冬瓜凍甜度適中，味道似冬瓜茶，口感介乎啫喱同蒟蒻中間，感覺清新消暑。
布丁Q麻糬牛奶冰
$52
12 views
0 likes
0 comments
呢個組合本身有雞蛋布丁同杏仁布丁各一件，但杏仁布丁已經賣哂，所以兩件都係雞蛋布丁，有少少失望。雞蛋布丁口感嫩滑，甜度適中，但蛋味唔算香濃，中規中矩。
布丁Q麻糬牛奶冰
$52
9 views
0 likes
0 comments
刨冰好粗粒，係懷舊古早刨冰嘅口感，牛奶配上黑糖漿味道恰到好處，加上面頭嘅牛奶雪糕有部份溶化咗，令刨冰嘅牛奶味更濃，但如果配搭嘅係又綿又滑嘅棉花冰就更好。
芋圓4號
$45
18 views
0 likes
0 comments
芋圓4號除咗有主角芋圓之外，仲有芋頭、紅豆同珍珠，芋圓煙煙韌韌，口感非常好，而且芋頭同地瓜味亦夠香，作為鋪頭嘅招牌，一啲都唔失色，但其他配料都普普通通，糖水係仙草嘅味道，而且偏淡，感覺唔係太夾，性價比亦唔高。
仙草1號
$45
13 views
0 likes
0 comments
可能因為呼聲過高令人期望太大，感覺除咗芋圓比較有水準之外冇乜驚喜，而且牛奶冰以外嘅甜品價錢略貴，如果對芋圓有興趣嘅不妨一試，但唔好抱太大期望。
Post
