堅信號上海生煎皇 (花園街) (Closed)

一直都想嚟試吓佢嘅生煎包，睇報導仲會經常有不同嘅期間限定。今日嚟到原本想試燒鵝口味，但係無得賣。咁就當然要試佢招牌嘅生煎包啦。生煎包係厚皮嗰一種，底部煎得香脆；裡面湯汁亦好多。但係湯汁胡椒味太重，似飲胡椒湯多過肉湯。另外點咗個芝麻醬五彩冷麵，芝麻醬味道唔算太濃；不過天氣熱食個冷麵都幾清爽嘅。呢度落單係要掃QR Code。因為我嚟嘅時間係非煩忙時段，我有問侍應可唔可以幫我手落單；但佢堅持話要用QR Code落單。如果下次係d老友記嚟食，麻煩侍應你地幫幫佢地啦！