家後

Open Now

Now Closed

呢間餃子專門店絕對係網上大人氣，話佢除咗餃子好食之餘，仲係被餃子耽誤嘅日式芝士蛋糕店，我作為一個餃子粉絲都慕名而來，可惜食後感有啲不似預期。 一場嚟到，當然想試晒佢嘅名物，於是揀咗S2套餐，有8隻餃子加日本飯糰。餃子揀咗芫茜同洋蔥煎餃雙拼。煎餃一上到枱，睇賣相已經有少許失望，因為顔色唔均匀，亦未去到見到都覺得脆嘅金黃色。食落口同視覺一致，唔算好香口同脆，皮既唔係薄，亦都唔係煙韌，有少少兩頭唔到岸。好在餡料幾出色，菜肉比例適中，洋蔥餃尤其好味，用咗味道更甜嘅紫洋蔥，粒粒大小適中，亦保留咗爽脆口感。跟住就食日本飯糰，用日本米做，睇得出加咗醬油同芝麻調味（點解話睇得出？因為唔係太食得出…），餡料有牛蒡同肉粒，份量細細唔會好滯，但表現冇乜亮點…枱枱都嗌而又限量嘅日式芝士蛋糕，冇理由唔試埋佢！口感滑溜，但芝士味唔算好濃，都係中規中矩，feel唔到網上講嘅驚艷…總括嚟講食物唔係差，只係全部都同我期望有落差，所有嘢都只係穩陣水準，毫無驚喜，有啲失望☹️不過，我仍然會推介洋蔥豬肉餃👍🏻