Video
Read full review
2012-10-08
663 views
呢間係我係香港第三間去既德國餐廳，可以話係排係第三位。人氣高企既餐廳梗係要打去訂位，好聰明咁用兩個電話訂哂兩個時段。是日星期五七點幾到達，要搵一搵先見到因為第一次去。原來對住條大馬路，所以都係唔好坐出面。都唔係好多人，係佈置方面有啲奇怪，角型既裝飾掛啲藍色白色既氣球係度。因為兩個人食唔係幾多野，所以只係叫左兩樣。第一個到既係肉丸配薯餅。四粒大肉丸同鮮番茄汁好夾，就算唔好番茄既人都接受到。先講肉丸，大大粒，好香，入面仲有啲好似瓜子既野，脆脆地好得意。薯餅係由切成一絲絲既薯絲整既，兩面煎香左脆卜卜！好香口，有啲奶味，令人不知不覺就食哂！不過有啲油，唔知係啲番茄汁既水定油。到主角，德國咸豬手。一上枱就好香，但個樣唔係太靚。同其他德國餐廳一樣，有薯塊同咸酸菜作為伴碟。薯塊同咸酸菜都係正常既水準，特別欣賞薯塊，有好香既奶香味，食到停唔到口。到豬手，個皮焗得好樣衰，好似人地燒傷左既皮膚咁，見到唔開胃。仲有，豬毛未整得乾淨，見到又係唔開胃。呢間既豬手比較細隻，焗得太乾，豬皮咬落去好驚會整損個口。期待左好耐咬落去勁豐富黏牙既感覺竟然係無！係無呀！好唔開心！二百蚊架…唉…肉質正常但咸香味略嫌淡左啲。另外
人氣高企既餐廳梗係要打去訂位，好聰明咁用兩個電話訂哂兩個時段。
是日星期五七點幾到達，要搵一搵先見到因為第一次去。
原來對住條大馬路，所以都係唔好坐出面。
都唔係好多人，係佈置方面有啲奇怪，角型既裝飾掛啲藍色白色既氣球係度。
因為兩個人食唔係幾多野，所以只係叫左兩樣。
第一個到既係肉丸配薯餅。四粒大肉丸同鮮番茄汁好夾，就算唔好番茄既人都接受到。
先講肉丸，大大粒，好香，入面仲有啲好似瓜子既野，脆脆地好得意。
薯餅係由切成一絲絲既薯絲整既，兩面煎香左脆卜卜！
好香口，有啲奶味，令人不知不覺就食哂！不過有啲油，唔知係啲番茄汁既水定油。
到主角，德國咸豬手。一上枱就好香，但個樣唔係太靚。
同其他德國餐廳一樣，有薯塊同咸酸菜作為伴碟。
薯塊同咸酸菜都係正常既水準，特別欣賞薯塊，有好香既奶香味，食到停唔到口。
到豬手，個皮焗得好樣衰，好似人地燒傷左既皮膚咁，見到唔開胃。仲有，豬毛未整得乾淨，見到又係唔開胃。
呢間既豬手比較細隻，焗得太乾，豬皮咬落去好驚會整損個口。
期待左好耐咬落去勁豐富黏牙既感覺竟然係無！係無呀！好唔開心！
二百蚊架…唉…肉質正常但咸香味略嫌淡左啲。
另外叫左麥啤，係叫侍應介紹的。想要一杯麥味重啲，呢隻甜甜地易入口。
整體黎講，普普通通，可能期望太高，未必會再黎。
Post
