Video
Read full review
2013-02-24
15 views
其實一直都想試呢間餐廳，終於等到佢係尖咀開分店，就帶埋FD去試下佢地既意大利菜。地點其實幾方便，就響MIRA MALL樓上，地方幾大幾舒服，不過好彩少人有卡位坐，我見到Ｄ高長枱就怕怕，因為我呢Ｄ小矮人實在唔想爬上去.......個OPEN KITCHEN都好靚，走新派簡潔既裝修。但坐咗一陣都唔見有侍應黎，我就想問人攞餐牌啦，明明得個幾枱人，顧客同侍應既比例最多係二比一，我唔明點解每次揾侍應好似截的士咁，明明有好多個經過就係唔停低。咩事啊而家？我等咗十分鐘都拎唔到餐牌同冇水飲，但佢地又唔係好忙個喎。我個陣已經燥燥地。咁終於有個侍應送咗個餐前面包黎，解釋下今日推介什麼啦，面包有得REFILL，總算為餐廳挽回少少分數。但當我落ORDER既時候，原來呢度係用I POD落單。我唔係未見過I POD落單，但我覺得整體觀感唔好，見親佢地企係到篤個I POD，佢有可能真係睇緊工作有關既野，但因為咁樣睇唔到個客，我寧願你保守Ｄ用紙筆落單好過。野食出黎都算快。佢好似比較出名慢食，就叫個鴨腿試下。佢差唔多二百蚊一隻鴨腿，個SIZE真係。。。。。雖然肉質處理得唔錯，但我唔覺得特別好食。野菌在裡面竟沒吸收到鴨腿
地點其實幾方便，就響MIRA MALL樓上，地方幾大幾舒服，不過好彩少人有卡位坐，我見到Ｄ高長枱就怕怕，因為我呢Ｄ小矮人實在唔想爬上去.......個OPEN KITCHEN都好靚，走新派簡潔既裝修。
但坐咗一陣都唔見有侍應黎，我就想問人攞餐牌啦，明明得個幾枱人，顧客同侍應既比例最多係二比一，我唔明點解每次揾侍應好似截的士咁，明明有好多個經過就係唔停低。咩事啊而家？我等咗十分鐘都拎唔到餐牌同冇水飲，但佢地又唔係好忙個喎。我個陣已經燥燥地。
咁終於有個侍應送咗個餐前面包黎，解釋下今日推介什麼啦，面包有得REFILL，總算為餐廳挽回少少分數。但當我落ORDER既時候，原來呢度係用I POD落單。我唔係未見過I POD落單，但我覺得整體觀感唔好，見親佢地企係到篤個I POD，佢有可能真係睇緊工作有關既野，但因為咁樣睇唔到個客，我寧願你保守Ｄ用紙筆落單好過。
野食出黎都算快。
佢好似比較出名慢食，就叫個鴨腿試下。佢差唔多二百蚊一隻鴨腿，個SIZE真係。。。。。雖然肉質處理得唔錯，但我唔覺得特別好食。野菌在裡面竟沒吸收到鴨腿的鮮味，可能是沒爆香的關係，教我非常詫異。
然後上PIZZA。PIZZA底是最健康地少油，但偏軟了一點，電爐的火力和面粉的比例都有關係。我們叫了混合芝士味道，芝士味道強烈，尤其是藍紋芝士的鹹味非常突出。芝士的風味甚至蓋過了蕃茄的味道，火箭菜新鮮爽脆，卻因數量太少，無法在薄餅做出平衡，食完都係覺得太滯了。幸好這裡的份量都是偏小，否則一定吃不完。
不要以為我說這裡食物份量偏小是一句正面的論述。看看這碟蜆肉意粉都知道－－少到連一人份量也沒有。蜆肉的份量比意粉還多，是一道意粉蜆肉（？）意粉軟硬度適中，卻比較油膩。蒜蓉味有待加強。
成餐裡面最快的係埋單。我唔知呢間餐廳咩事，食物本身的質素是可以的，油膩一點亦是意大利的傳統特色，無可厚非。但意大利菜份量大的傳統卻沒有好好承襲下來，菜式裡的食材比例失衡。考慮到份量的時候就覺得太貴了。樓面雖舒服，人手亦足，但侍應態度真係麻麻。
一直很喜歡意大利菜，但尖咀像不宜開意大利菜般，每每失望。重回此店，遙遙無期。
Post
