Sodam Chicken (Closed)

Sodam Chicken推岀左炸雞焗雞放題$128就可以任食炸雞同pizza加多$20仲可以食埋七款焗雞同八款小食主菜均有半價優惠 飲品則有買一送一當日除左常規既七款炸雞 仲有兩款其間限定既炸雞：香草青檸炸雞 四川麻辣炸雞 呢兩款都好推薦大家試 當然食得辣既先好嗌四川麻辣🐥炸雞🐥一口氣試晒九款炸雞 無骨炸雞 熱辣辣 啖啖肉 外皮超脆 肉質嫩滑多汁 略嫌某幾舊炸雞外皮偏厚 配上面層既醬汁 整體食落唔會太乾 不過由於韓式炸雞係無醬汁既關係 食落就比其他炸雞乾九款之中 特別推薦以下幾款！🍋檸檬柚子 🌱香草青檸兩款都好清新 酸酸甜甜 開胃之餘可以一解雞肉既油膩感🔥四川麻辣鍾意麻辣既朋友一定要試！對於我呢啲淨係食到小辣既人黎講真係超辣超麻！食完真係喊左岀黎 口水不停分泌 食唔到辣既朋友真係唔好亂試🥚黃金鹹蛋鹹蛋黃味比想像中突岀 食落好香口🐥焗雞🐥焗雞同我想像既有啲岀入 外皮微脆乾身 肉質感覺上無炸雞咁嫩滑多汁 不過食落就無炸雞咁膩 雙重芝士焗雞灑有芝士粉 紫菜焗雞則灑有紫菜 味道相對無炸雞咁特別🥗小食🥗揀左 炸雞好朋友 韓式酸蘿蔔 爽口消膩 同埋 柚子醋沙律 醬汁酸酸甜甜 沙律菜新鮮無苦澀味