牛陣 (德福廣場1期)

Open Now

Now Closed

今日放工約咗同事去牛陣食壽喜燒，見到門口poster有期間限定，係泰式冬陰公湯底，緊係要試吓啦。牛肉款式都有幾款選擇，我地選擇咗穀飼上級牛肉。店員首先幫我地用新鮮牛脂肪起鑊，煎出正式嘅牛油，再將蝦同魷魚煎一煎，店員就將冬陰公湯底倒入鍋中，咋一聲，勁有鑊氣，d冬陰公香味撲鼻，聞到都流口水，呢個湯底會跟一個泰式蔬菜籃，可以按自己喜好，加入湯中。之後店員好快上牛肉、豚肉、牛舌同海鮮拼盤。穀飼上級牛肉真係唔同d,脂肪分佈均勻，唔太肥唔太瘦，牛肉味好重，一d都唔鞋，點麻醬食一流。牛舌好爽口，完全冇酥味，配合冬陰公湯底食好match,唔使點鼓油都夠晒味，好好食。豚肉好爽滑，完全唔韌，overcook都唔會老，而鞋口，完全唔油膩，勁正。海鮮拼盤分別有帶子、蠔同魷魚，呢個拼盤都係任叫，蠔好新鮮，完全唔腥，性價比非常高。除咗呢d任食之外，出面仲有幾十款火鍋配料任食，因為係泰式期間限定，出面都有幾款泰式食品，例如泰式蝦片、泰式紅咖哩同泰式香矛茶，鍾意泰式食品，一定唔可以錯過。仲有多款飲品任叫，原來仲有泰式啤酒同朝日啤酒任飲，真係好抵。呢間分店原有有6款Haagen-Dazs雪糕任食，真係回本之作。