廿一由八 (Closed)

廿一由八假日空閑，就嚟廿一由八試下好冇食，地點距離小巴站巴士站要行大約8-10分鐘。一入到門，首先見到係啲木嘅傢俬家具等，而座位唔係特別多，但比人嘅感覺，一入到去係幾舒服，而入座時間係90分鐘。位置坐到，員工就比左啲餐牌我地睇，最後我同朋友叫左2個主食同餡餅，飲品方面就係Dirty Coffee同Latte，另外再加叫一個甜品。如果唔叫咖啡，個到都有自助水可以拎，另外餐具都需要自己去拎。食物整體方面一般，而咖啡方面都唔錯，環境感覺舒適，人均消費大約$150。