Ufufu Cafe (Closed)

木嘴今晚又有朋友生日飯局，其實本來就有野做既，不過木嘴本名姓義叫氣，當然就照出席，最多扒兩啖早走嫁者。朋友book左呢間好似幾出名既日式餐廳，由於聞說幾好食，所以木嘴全日都留肚無食野咁滯，決定等到夜晚先大食特食。一入去，由於我真係飢荒到頂唔順，再加上又趕住走，所以拿拿林瘋狂落柯打。我地一行五人，一口氣瘋狂嗌左焗酥皮湯，滑蛋沙律，九洲炸雞翼，豆乳野菜焗飯，黑豚肉咖哩蛋包飯，漢堡扒咖哩蛋包飯，雜菌忌廉意粉，心太軟芭菲同唔記得左乜名既甜品。嗌果陣仲諗緊會唔會唔夠，事實証明眼闊肚窄既人類真係會重覆犯錯。焗酥皮湯塊酥皮又大又脆，撈埋落d湯度食又正，分開食又正，秒速KO。九洲炸雞翼好大隻，甜甜地，唔錯。招牌滑蛋沙律個沙律份量多到痴左線，D滑蛋睇落又勁吸引，又係俾我地班餓狗極速KO，依家睇返先發現唔記得影相...豆乳野菜焗飯嗌果陣以為淨係得菜，但原來我地幾個人都木嘴上眼，發雞盲睇漏左個飯字，唯有照食，開始越黎越飽。黑豚肉咖哩蛋包飯 同 漢堡扒咖哩蛋包飯其實真心無得輸，咖喱汁又多，個飯又多，D黑豚肉同漢堡扒又大份，塊漢堡扒直程係厚到離晒譜。木嘴同幾個朋友越食越飽，但又唔想唔食晒左D好野喎，勁矛盾。雜菌