Ufufu Cafe (Closed)

假期前夕光顧這店，主要是被甜品的餐牌吸引住了。一行四人準時到達，店員安排了卡位。原本話用餐時間1.5小時，但最後，我們七點三坐到十點，沒有被趕，更主動不時加水👍，服務不錯。我們叫了明太子芝士薄餅，食下去時，明太子有點腥，但不是厭惡的。薄薄的餅皮，外圈還香脆的。朋友們都說👍。還叫了水牛芝士意粉，濃濃的芝士，有微微的辣，但我覺得太鹹。仲有一份鐵板炸雞，忘記了名字，請參考相片。一塊已切的炸雞扒，底下鋪滿了芽菜，淋上特製的醬汁。朋友認為幾好食，我覺得幾開胃。再加了個綠茶甜品作句號。這杯甜品賣相很吸引，有不少材料，感到不同的layer. 最面的是忌廉，原來三位友人都不食忌廉的。我不愛，但嚐了卻覺得很好味，既滑而香。綠茶雪糕味道正常，不會過冰，也不會過溶。夾層的紅豆就過甜了。但整體，這甜品是令人滿足的。

Life is short. Eat dessert first!!!🍧。最近太頹廢，需要一些好消息來震奮人心！💪🏼。Ufufu的芭菲實在太出名了，我也很喜歡，層次感十足！個人比較喜歡雜莓味，雪葩的感覺較傳統的奶類雪糕更清新，而且甜甜酸酸，清新而不膩口。🍓我也十分欣賞芭菲的層次感豐富，每吃一會兒便會吃到不同的食材、啫喱呀、玉米片呀、新鮮水果、鮮奶油等等。。抹茶味中規中矩，可能畢竟不是抹茶專業戶，所以茶味實在不出色呀！🍵

同男朋友提前慶祝紀念日，諗左好耐唔知食咩好。。。突然醒起之前同朋友慶祝生日食過♥UFUFU♥覺得幾好食，就決定帶男朋友去試試！！環境望落唔算好大，暗暗地都幾有feel 既，好彩安排左張4人卡位比我地，靠窗口，都坐得幾舒服。鮮蝦雜菌忌廉汁意粉 $88 + 焗酥皮粟米湯 $30個意粉係我最滿意既一道食物，佢個忌廉汁好CREAMY，個味道係食過咁多意粉之中都係數一數二，雜茹同蝦既份量都幾多。食完好想再食多次！呢個意粉可以加$30有個焗酥皮粟米湯，都係好好飲架！！UFUFU風南醬炸雞 $98炸雞好香口，不過最好趁熱食，如果唔係Ｄ雞就好快淋哂。熟成牛腹扒120G $148呢個牛腹扒店員一拎過黎我以為係PXPPER LUNXH D FD，Ｄ牛一黎就炸炸聲，小心彈到件衫～～唔想佢咁快熟哂就一定要快手食，肉身都好多汁好JUICY！芒果 X 雲尼拿雪糕芭菲 $58到最後啦，叫既野食雖然唔係話好多，但都夠飽既。不過都係有Ｄ口痕想食下甜品。UFUFU 出名咩？就係雪糕芭菲夠多款式！真係架，佢咩水果咩配搭都有，包你有排揀！最後叫左杯唔算大既芒果X雲尼拿雪糕芭菲，芒果夠甜，雪糕夠滑，一個字，好食！

記得朋友講呢間Ufufu Cafe d甜品唔錯，咁岩就行開尖沙咀就過黎試下.依家成夜晚九點幾都好多，好彩都唔洗等位就入得去。我地一家三口👨‍👩‍👦，叫左個日式肉汁蛋包飯同咖哩蛋包飯，個蛋好滑、d汁好濃味，好好味呀！加左$38 轉左做套餐有沙律同酥皮粟米湯！個沙律都幾豐富，有什菜，洋蔥絲，黃紅椒，蕃茄，個汁就酸酸甜甜咁。而個粟米湯就有d似罐頭🥫粟米味啦！食完晚飯就叫左個甜品心太軟抹茶🍵芭菲有抹茶啫喱、紅豆、忌廉、雪糕、抹茶粉，同朱古力心太軟個心太軟好濃朱古力，內面有d 花生🥜 咁，整體不錯👍🏻食完成個芭菲覺得好滿足喔！

好耐之前已經聽聞呢度芭菲非常出名，本店係日本九州，主打芭菲！所以今日就黎試下！menu 超多芭菲！！好吸引！！！選擇困難症又發作啦 >< 身為抹茶控，當然要揀宇治抹茶配蕨餅芭菲啦~上面係生忌廉，好多toppings！！！有蕨餅、小丸子、提子、紅豆蓉、桑苺、朱古力棒~~~蕨餅煙韌，有好多黃豆粉，好易跌D粉落枱…小丸子煙韌彈牙，唔會太硬！抹茶雪糕幾滑，但抹茶味不太濃！不過本身沒有特別喜愛生忌廉，所以呢個生忌廉份量對我來說有D太多了…

同朋友週末一齊嚟食下午茶,依間餐廳環境都唔錯,職員態度亦好好,絕對冇揀錯😂我記得我就叫咗一個78蚊嘅心太軟芭菲,雖然要等佢出爐,但係係值得等嘅,佢裏面嘅朱古力係流出嚟,食落去暖粒粒。而下面就有D cream,少少水果同埋雪糕,我覺得係抵食嘅🤤🤤另一個朋友就叫咗一個有泡芙嘅芭菲,個泡芙入面嘅餡都唔錯,而雪糕都做得非常出色,佢面頭嘅水果都算新鮮,雪糕下面仲有D脆脆,整體上唔錯😋😋其他人叫嘅芭菲就唔記得啦！但我地就叫埋可樂餅,我諗佢係即叫即炸嘅,因為食嘅時候係熱同埋脆卜卜gaa,裏面嘅餡好好味,如果點埋佢個醬嚟食就更加好味!!!😆😆

今日晏奏要去尖沙咀 諗食咩嘅時候見到ufufu cafe嘅menu有好吸引嘅梳乎厘pancake所以去食個late lunch😆上到去先知都已經4點幾 個場嘅人都唔多 又得返一個侍應 一睇先發現原來menu轉左 冇左我想食嘅梳乎厘pancake😭 而且朋友已經飽飽地 所以我地只係叫左一個意粉同一個甜品share就算🤨Lunch set—厚切煙肉卡邦尼意粉($78)：麵嘅軟硬度適中 個汁嘅濃稠度都適中 可以掛喺意粉上面 芝士味都好濃 唯一可惜嘅係唔夠熱 同埋配料得煙肉粒 有d單調🤣焦糖香蕉法式吐司($78)：本身就想食甜品嘅我對依個吐司有好大期待 但因為個吐司太熱 令上面嘅雪糕都溶到一patpat 件多士濕晒😟😟 佢係幾香焦糖味嘅 但因為浸到濕左所以個質感勁奇怪 最後冇食晒就放棄了 可能下次將雪糕放係旁邊會好d

三姐妹去用餐。除了數次提及90分鐘用餐還有一位極之差態度的女侍應走到我們面前大聲講你地經已過哂用餐時間。感覺猶如置身監獄一樣。感受好差。就算食物質素唔差但態度差，怎說服客人再次光顧。

今日出開尖沙咀做facial, 同朋友順便食埋晚飯，由於呢間Cafe喺附近，menu又好似ok咁，就去試下啦！上到去我地2個人被安排坐卡位，好闊落呢，私隱度都幾高，仲望到街景，環境唔錯！然後就開始睇下食咩好，餐廳有一個大大menu睇芭菲，佢有好多唔同配搭嘅芭菲，真係好吸引😍可惜我地去嗰日係超級凍嘅日子所以放棄左芭菲呢個甜品，轉左㨂熱食先！我一見到個menu意粉可以加$38轉餐包沙律同酥皮湯，即刻同個friend講要飲酥皮湯！以前細細個嗰陣好鍾意星期日同屋企人去附近連鎖快餐店食扒餐飲酥皮湯，雖然飲完個酥皮湯都飽左大半，不過作為澱粉質愛好者，食酥皮重要過件扒！宜家人大左，多左太多餐廳選擇，好耐都無再旁襯過快餐店嘅酥皮湯，今日咁啱見到就點都要叫黎飲下回味一下兒時感覺！好順理成章地，為左個酥皮湯，我地點左個拿破崙意粉，見有鐵板意粉幾特別，咁凍嘅天氣又會夠熱，上枱嘅時候‘炸炸’聲好正啊！個意粉味道唔錯，不過記得要盡快食，如果凍左感覺會比較油膩 。個酥皮湯唔駛講緊係正啦😋，酥皮焗得啱啱好，配埋個湯好味道～喺用餐嘅最後段，澱粉質小花當然唔放過澱粉質嘅甜品啦！我地㨂左法式焦糖香蕉吐司，上枱覺得都幾大件

我和兩位朋友食tea, 環境舒服，我們是平日下午比較幽靜。特別喜歡黑加倫子+雲尼拿雪糕芭菲，一層的口味不同，雪糕與黑加侖子恰到好處，不會太酸。 另外，法式士多啤梨多士賣相吸引，多士外層微脆，內層綿綿的。

朋友帶我嚟嘅，冇食過咪試下。夜晚嚟食間店比較黑，懶係有少少feel 咁啦！我俾朋友拍板，反正我第一次嚟，睇下佢有乜推介囉。首先嚟嘅係芝士流心漢堡扒，咁特別嘅，用一個袋包住，放喺個鐵板上面。一打開入面就是熱辣辣的漢堡扒加少少配菜。切開個漢堡扒入面又真係有流心芝士，件漢堡又香又唔鞋，幾正喎。依個唔係好記得個名添。總之就係一塊鐵板上面有塊炸雞扒。雞扒炸得好脆，用鐵板上所以一直都keep到好熱，好味！依個咖哩豬扒飯不得了呀！個蛋係超級滑！加埋個咖哩勁好撈飯，如果有得加底我係會想加底 😂😂見佢有成本甜品menu 都係芭菲，就叫個芒果芭菲試下。上面有一舊係雪糕，另外兩舊似係雪芭的物體，加埋舊cream，超邪惡。好彩同朋友share。一人一個唔得掂呀。肥 🐷🐷

今日同細佬去咗尖沙咀通利琴行旁邊，一間日式洋食屋麵食飯，由於係星期五晚，所以我一早就打左電話去book定位，以免要排太耐，我哋上到去嘅時候，即刻就入得啦！店員提醒我哋入座時間係七點半，可以食九十分鐘， 細佬話聽到佢咁講，覺得自己好似要準備食放題咁樣😂😂😂但係我哋就冇所謂啦，諗住試下新野！咁我喺呢間餐廳入面，就揀咗個吉列黑豚肉咖哩蛋包飯，因為見到佢menu幅圖好似炸得幾靚咁,而且本身我就唔好食漢堡扒, 所以就揀咗呢一款！而細佬就揀咗食漢堡扒，因為見周圍嘅人都揀呢個，好似好好食咁！食物黎到嘅時候，原來都幾大碟，啲豬扒好厚身，而且唔會硬掘掘，overcook！加埋啲蛋同咖哩一齊食，perfect match👍🏼👍🏼 但係細佬就覺得漢堡扒比豬扒好食，因為漢堡扒有啲酸酸甜甜嘅汁，而且肉汁都比較多！細佬請咗我食一啖佢嗰個漢堡扒 ，我食落就覺得好多肉汁，雖然份量唔多，但係味道唔錯， 女仔嚟食可能會好啲，但係男仔就應該唔夠食啦！因為細佬食量比較細，所以佢都覺得好飽！本身細佬話想喺呢一間度食甜品，但係我食完個咖哩已經覺得好飽， 同埋見到成間鋪都冇人食甜品就覺得有啲伏🙊所以同佢喺度坐多陣, 就出咗去行去第

之前同朋友已經嚟過一次，中意佢環境靜靜地，又坐得舒服，今日又再去幫襯，不過用餐時間得90分鐘，如果太大班朋友就可能唔夠時間chill。我叫咗呢個咖啡肉汁芝士蛋包飯味道幾好，唔會太鹹。而同行密友點咗呢個海膽忌廉意粉，味道唔錯，海膽都算新鮮，份量適中。點正餐都可以加錢配呢個酥皮粟米湯，個湯好夠熱，冬天飲覺得好暖胃好舒服，但就因為上完湯好快就上個飯同意粉，變咗到食嘅時候，咖哩飯上面嘅芝士已經硬咗，而海膽都凍咗溶唔到落去個忌廉汁到，令件事失色咗少少。呢個雞翼炸得好脆，配咗個類似黑醋嘅汁，令人食落去唔會太油膩總括嚟講係值得推介！下次會試下佢啲鐵板餐！

尖沙咀B1出口 向前行30米就到， 不過升降機只有一部， 繁忙時間的話應該會出現塞lift的情況。今天行日下午2時左右到達， 店舖沒有太多人， 更顯得有悠閒的感覺。 meau 選用了日式的設計，加上 漂亮圖示， 還沒有點餐已經口水直流。 相信甜品是這店的王牌， 數以百款的芭菲選擇， 看到也有點頭暈。lunch set的選擇亦多， 今次選了日式咖哩吉列豬扒飯（好像是88元左右）， 跟餐送餐湯及飲品一杯， 我再另外加了38元日式蟹肉可樂餅。可樂餅首先上枱， 整齊地放在碟上， 可樂餅下更畫上醬汁， 絕不hea。 味道良好， 熱辣辣的薯仔可樂餅， 加上蟹肉， 及牛油果醬汁，一流!咖哩飯終於上枱了，再來花心思的設計， 還沒有吃進口已可加分， 豬扒咬下夠juicy , 白飯是珍珠米， 咖哩汁是日式不辛口，小朋友亦適合。好食! 份量我覺得中等，運動型男士可能覺得差少少，女士應該足夠的。價錢方面，算是中上，lunch set加可樂餅130元左右，午餐來說高了少許。總括來說 食物賣相精緻，加上大量甜品選擇，應該是年輕人帶女朋友光顧的好地方， 味道有驚喜。 五顆星星評分，我給予四粒星星， 即是值得專程搭車

<甜品唔錯既ufufu cafe>🍡🍧🍦 呢間喺tst站b出口側邊既ufufu cafe見到d人就話食主食多 其實發覺佢甜品都好多選擇😍 有好多唔同口味既芭菲🍦 仲有 pancake等等 👍🏻🍴宇治抹茶芭菲 68 蚊🍦🍵材料豐富 cream 紅豆蓉 粟子 風乾既cherry碎 脆脆條等等 外型美觀 芭菲既抹茶味香濃🍵 仲有雲利拿芭菲🍦 底層仲有充滿口感既脆脆 好味😍🍴豆腐花芒果芭菲 78 蚊😍🍦有cream 新鮮士多啤梨 🍓芒果 夠哂香甜 仲有香芒同豆腐雪糕 底層充滿住香滑豆腐花 , 豆腐花同雪糕溶埋一齊食 味道好match 😍🍴法式士多啤梨西多士 58 蚊🍞🍓 有cream士多啤梨 加上士多啤梨醬 🍓 多士厚切 出面外脆 一切開入面有d香甜既蛋味🥚 連埋豆腐味雪糕一齊食 好正好飽🍦😍Score 平均分 <7.5/10>Taste 味道：👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻~~~~~~~~~~~~~Address地址