峰壽司 (Closed)

諗都無諗過要食峰壽司今次六點幾行過分店見無咩人即管上去拎張四十六號飛當時仲係十七號本來諗住行完sogo返黎都仲要等點知一行落樓突然神奇地連續叫左廿幾個number咁咪唯有等一陣囉不過有個好大既問題就係既然叫得咁快又有咁多人等就要守得住果個籌號過五張即作放棄論既政策但係我地所見即使過左十幾張再返黎都仲可以即刻拎返檯咁就唔係幾公平囉不過瑕不掩瑜事實證明係抵佢長龍既特別鍾意食蝦既我地肉痛都試左一隻特大峰蝦一食落去即刻大叫左出黎好肉到丫鮮甜而且煙韌真係無與倫比另外甜蝦壽司雖然細隻但亦新鮮個人亦都鍾意芥辣甜蝦軍艦同蝦天婦羅壽司全部蝦都好食無辦法唔對佢偏心囉不過要我等得耐我都係唔會幫襯另外大大隻帶子魷魚鬚同臘魚都唔錯呢條特大既鰻魚亦都幾好不過規定要加蔥絲既三文魚就不敢恭維喇坐迴轉帶前睇住師傅整壽司越睇就越覺得呢位日藉師傅真係勁似木村連我都覺得佢相當有型嘩真係好野