Video
Read full review
2019-04-09
62 views
Weekend出去太子訂蛋糕行咗半日街，成日除咗早餐就未食過嘢，咁啱就搵到間任飲任食嘅火鍋店，啱曬我呢個邊爐狂熱份子！平時任飲任食嘅餐廳俾我嘅感覺好雜亂無章，但係一嚟到餐廳，wa! 裝修好靚、好整齊同埋... 感覺好乾淨！主要係海鮮火鍋同埋藥膳火鍋任食揀，包咗指定湯底同指定食物，之後再加嘢食就可以係個tablet度點。研究完一輪之後，好似藥膳火鍋嘅湯底正啲，所以就揀咗呢個package，藥膳火鍋有三種湯底揀，花膠螺頭、韓式、姫蟲茸，驟眼睇花膠螺頭藥膳雞鍋好似好補身，所以就揀咗呢個火鍋湯底用一個好巨型兩層嘅木桶裝住，話說個桶係用杉木做，內膽嗰個木桶有幾個窿，底下放左幾粒熱石，個店員話咁樣嘅設計可以過濾啲湯底，啲湯可以清啲喎，雖然唔係好明個原理，但係個湯底真心好足料，有原隻雞同埋好多藥材(杞子、紅棗、人蔘...)係入面，我哋首先試咗個湯(真係舀啲喺個窿度流出嚟嘅湯)，超級清甜同埋好滑，夠晒滋陰養顏，藥材味唔會喧賓奪主，真心正！醬料唔算多選擇，不過有齊我鍾意嘅：去到指定餐點，有12樣嘢，每樣細細舊，可以咩都試啲，最鍾意係佢啲手工餃子，特別係芫荽餃，如果有多幾隻就好嗱！另外一個指定餐點就係三揀
平時任飲任食嘅餐廳俾我嘅感覺好雜亂無章，但係一嚟到餐廳，wa! 裝修好靚、好整齊同埋... 感覺好乾淨！
主要係海鮮火鍋同埋藥膳火鍋任食揀，包咗指定湯底同指定食物，之後再加嘢食就可以係個tablet度點。
研究完一輪之後，好似藥膳火鍋嘅湯底正啲，所以就揀咗呢個package，藥膳火鍋有三種湯底揀，花膠螺頭、韓式、姫蟲茸，驟眼睇花膠螺頭藥膳雞鍋好似好補身，所以就揀咗呢個
火鍋湯底用一個好巨型兩層嘅木桶裝住，話說個桶係用杉木做，內膽嗰個木桶有幾個窿，底下放左幾粒熱石，個店員話咁樣嘅設計可以過濾啲湯底，啲湯可以清啲喎，雖然唔係好明個原理，但係個湯底真心好足料，有原隻雞同埋好多藥材(杞子、紅棗、人蔘...)係入面，我哋首先試咗個湯(真係舀啲喺個窿度流出嚟嘅湯)，超級清甜同埋好滑，夠晒滋陰養顏，藥材味唔會喧賓奪主，真心正！
醬料唔算多選擇，不過有齊我鍾意嘅：
去到指定餐點，有12樣嘢，每樣細細舊，可以咩都試啲，最鍾意係佢啲手工餃子，特別係芫荽餃，如果有多幾隻就好嗱！
另外一個指定餐點就係三揀一嘅肉類，揀咗手切安格斯牛頸脊，口感腍滑、雪花細緻，而且牛肉香味好突出！
之後再encore左即炸響鈴，又大件又脆
好鍾意佢全部人都細細份，唔使一款食物就質爆個肚
最後加個出前一丁，有樣好貼心嘅嘢，就係俾埋個「撈」俾我哋，等我哋整個面嘅時候唔使散晒，正！
Post
