Video
Read full review
2024-01-12
96 views
呢間日式Cafe由觀塘總店開到啟德Airside，分店嘅環境更加寬敞，以木系傢俬為主，好光猛坐得舒服。餐廳裝修得好似示範單位咁，如果有睇中嘅家品，仲可以帶走埋，係一間家具x Cafe嘅專門店。餐廳主打各種fusion菜式，菜品選擇都幾多，而且價錢都唔貴，性價比超高！佢哋嘅甜品撻類🥧都好吸，全部由駐店甜品師傅即日喺店舖製作，水準有返咁上下！------------------------------🥗◖牛油果炙燒吞拿魚田園沙律◗ $148沙律菜好新鮮，加上軟滑嘅牛油果同隻燒吞拿魚粒做配料，最後淋上柚子醋，清爽得嚟口感好豐富！🥩◖澳洲黑毛安格斯牛肉眼◗ $238用上100日穀飼澳洲黑毛安格斯肉眼，煎到七成熟，裏面嘅牛肉係好靚嘅粉紅色，肉眼切成兩大片上枱，份量好足！牛扒充滿肉汁，肉質偏瘦，伴上炒野菜同Wasabi薯蓉，野菜烤焗得幾香；薯蓉微微嗆鼻，味道更有層次，幾特別～🥪◖日式烤煙腩水煮蛋竹炭麵包◗ $158腩肉塗上青檸蜜糖醬汁，再拎去烤焗，肉質軟腍而且有肉香！用上蘭王蛋去整嗰個水煮蛋，蛋漿超香，再淋上荷蘭汁同烤合桃，簡單嘅配搭，更好帶出蘭王蛋嘅味道！🍋◖檸檬蛋白餅◗ $68檸檬撻酸味味咁，
------------------------------
🥗◖牛油果炙燒吞拿魚田園沙律◗ $148
沙律菜好新鮮，加上軟滑嘅牛油果同隻燒吞拿魚粒做配料，最後淋上柚子醋，清爽得嚟口感好豐富！
🥩◖澳洲黑毛安格斯牛肉眼◗ $238
用上100日穀飼澳洲黑毛安格斯肉眼，煎到七成熟，裏面嘅牛肉係好靚嘅粉紅色，肉眼切成兩大片上枱，份量好足！牛扒充滿肉汁，肉質偏瘦，伴上炒野菜同Wasabi薯蓉，野菜烤焗得幾香；薯蓉微微嗆鼻，味道更有層次，幾特別～
🥪◖日式烤煙腩水煮蛋竹炭麵包◗ $158
腩肉塗上青檸蜜糖醬汁，再拎去烤焗，肉質軟腍而且有肉香！用上蘭王蛋去整嗰個水煮蛋，蛋漿超香，再淋上荷蘭汁同烤合桃，簡單嘅配搭，更好帶出蘭王蛋嘅味道！
🍋◖檸檬蛋白餅◗ $68
檸檬撻酸味味咁，清爽開胃，加入咗啲芒果粒令整體香味更有層次，頂部加上蛋白糖霜，啱啱好可以中和返檸檬嘅酸味！
🍓◖士多啤梨吉士撻◗ $68
有好多士多啤梨果肉，配合上creamy嘅吉士醬，夾雜住焦糖餅脆脆，整體唔會太甜又有口感，好食！
🌟Encore指數：9/10
Post
