Terrace in seaside (海運大廈)

Open Now

Now Closed

韓國菜到宜家都係香港人最鍾意嘅菜式之一，如果加埋打卡元素同過江龍嘅名號，更加會受歡迎。最近就去左近期大熱【Terrace in Seaside】，主打濟州柑橘同小清新木調裝修。平日夜晚8點左右都大排長龍，就知幾受歡迎。店鋪地方偏細，比較在意舒適度就可能要自己衡量下啦。 傳統紫菜包飯：有少少麻油香，D材料都好新鮮，就算放左一陣，個紫菜又唔會好靭。每次去食韓國野都會必點！呢間算唔錯。 濟州柑橘乳酪：將濟州柑橘同乳酪mix埋，酸酸甜甜，唔會過甜又清爽、好適合夏天，而且造型好可愛！ 夢幻紫薯牛奶：非常真材實料，濃郁紫薯味搭配牛奶，基本上唔甜。 泡菜燉五花肉蛋包飯：鬆軟流心omelet搭配醬油炒飯，而白菜泡菜可以中和五花肉嗰油膩感。整體微微辣但好開胃、完全唔覺得有負擔。 醬油蒜頭無骨炸鷄（半份）：如果有叫其他食物、半份已經非常足夠！醬油蒜頭味道偏甜、醬油濃香、雞肉炸得好脆！仲有薯條同年糕、份量超級夠！不過覺得醬多左少少。 士多啤梨Tiramisu：非常可愛嘅盒子蛋糕、士多啤梨味濃、不過略嫌口感太單一。 水果忌廉三明治：水果好新鮮！cream搭配酸酸甜甜嘅水果又唔會太過heavy！推薦！