Video
Telephone
24633100
Opening Hours
Today
11:30 - 21:30
Mon - Sun
11:30 - 21:30
*Last Order: 21:00
Above information is for reference only. Please check details with the restaurant.
見到呢間韓式𝐜𝐚𝐟𝐞有得食開心果蜜糖窩夫，就即刻叫男朋友陪我去試下!! 因為係去食𝐝𝐢𝐧𝐧𝐞𝐫，我地仲叫咗啲主食黎試下，想推介下佢地個【烏卒卒墨汁八爪魚燉飯】，燉飯既墨汁比較濃味，上面既八爪魚好軟淋，撈埋飯上面既蛋黃醬一齊食好好味 想食𝗸𝗶𝗺𝗯𝗮𝗽既我仲叫咗個【極度惹味泡菜八爪魚紫菜包飯】!! 呢個𝗸𝗶𝗺𝗯𝗮𝗽好特別，平時韓式𝗸𝗶𝗺𝗯𝗮𝗽如果有泡菜都係用醃泡菜，但係呢度就喺𝗸𝗶𝗺𝗯𝗮𝗽上面加咗微辣既𝗸𝗶𝗺𝗰𝗵𝗶醬同埋八爪魚粒，呢個配搭既𝗸𝗶𝗺𝗯𝗮𝗽又幾新奇(ી( ･◡･ )ʃ )₎跟住就到我最最最期待既【開唔開心試左先知既開心果蜜糖窩夫】!! 𝟒件厚厚既窩夫外脆內軟，上面灑滿咗開心果碎碎同蜜糖脆脆，最頂仲有開心果醬同𝗰𝗿𝗲𝗮𝗺!! 窩夫既蛋香味好出，配埋果仁碎同𝗰𝗿𝗲𝗮𝗺食，一啖一啖就食唒成碟!野飲我地叫咗【人生迷芒的芒果沙冰】同埋【濟州柑橘乳酸梳打】!! 芒果沙冰竟然有半個芒果🥭，沙冰飲得出係新鮮芒果打成既，濃得黎但又唔會好甜!! 柑橘乳酸梳打就酸酸甜甜咁，比較𝗿𝗲𝗳𝗿𝗲𝘀𝗵𝗶𝗻𝗴，我個人就鍾意芒果沙冰多啲
continue reading
韓國仁川過江龍海邊餐廳Terrace In Seaside進駐尖沙咀海港城都有一段時間，今次一如既往品嚐呢間精緻嘅韓國菜。餐廳同韓國一樣主打休閒清新為主，環境同樣以淺木色同植物元素為主調，好舒適。烏卒卒墨汁八爪魚燉飯濃郁嘅墨汁包住每粒米飯，新鮮足料嘅八爪魚喺燉飯當中，口感爽脆彈牙，帶有濃郁鮮味，飯粒加上芝士醬，好creamy，味道帶有鹹香，非常吸引。極度惹味泡菜八爪魚紫菜包飯紫菜包飯材料豐富，有口感彈牙嘅八爪魚、蛋絲、青瓜絲、蘿蔔絲，同埋泡菜等，味道微辣惹味，口感豐富。開心果蜜糖窩夫窩夫賣相吸引，口感鬆脆，蜜糖味香濃，加上濃郁開心果醬同埋忌廉，香滑軟綿，仲有粒粒開心果脆同埋焦糖脆脆，口感豐富。人生迷芒的芒果沙冰有半隻切開嘅芒果喺上邊，非常飽滿，芒果沙冰味道香甜，底部仲有足料嘅柚子，同沙冰好夾，清爽解渴。濟州柑乳酸梳打用上濟州特產柑橘，新鮮柑橘果肉配上乳酪打製而成，味道微甜清新，加上青檸，消暑開胃，飲品漸變紫黃顏色，加上花瓣點綴，賣相吸引。
continue reading
講起新派韓式cafe🇰🇷Terrace in seaside總是榜上有名最近我終於同朋友慕名去試試🤤海港城分店位置近碼頭餐廳以白色和灰色為主 裝潢簡約時尚而店員都戴上了可愛的柑橘帽子🍊令人彷如置身韓國濟州島柑橘果園之中🐙極度惹味泡菜八爪魚紫菜包飯（$132）呢個紫菜包飯何止惹味 直頭係惹火🔥泡菜醬汁辣得過癮 加上八爪魚同青瓜等配料 好開胃🖤烏卒卒墨汁八爪魚燉飯（$115）燉飯調味濃郁 非常creamy除咗大大嚿八爪魚🐙 仲有入晒味嘅菇菌好快就清咗碟🤣🧇開吾開心試左先知既開心果蜜糖窩夫（$138）窩夫賣相吸引 共有4塊面頭放上味道濃郁嘅開心果醬同忌廉仲有大大塊焦糖脆餅底部鋪滿開心果碎粒以及杏仁整體口感味道層次豐富 值得一試👍🏻🥭人生迷芒的芒果沙冰（$68）嘩 呢杯芒果沙冰唔惹少！面頭放上切開嘅芒果 粒粒都好飽滿 勁吸引😍芒果清甜味美 沙冰味道天然 唔會好甜🍹濟州柑橘乳酸梳打（$48）飲品呈紫黃漸層顏色 非常美麗飲落既有青檸嘅酸澀 同時又有柑橘嘅甜味中和解喝一流
continue reading
2024年9月15日 星期日終於難得係週末嘅時間可以family day，帶咗小朋友出咗尖沙咀周圍行，順便放下電，到晏晝見肚餓就決定喺海港城搵嘢食咁啱見到近期喺香港各個地方都開咗分店嘅大熱人氣韓國餐廳，仲要咁啱有客人離開，有一張空枱，所以就入咗去食餐廳原來做緊開學優惠，只要出示學生證再follow餐廳嘅網上平台，就可以飲品無限加添或者單點食物有七折優惠，對於學生嚟講真係好抵，可惜我已經過咗學生嘅年齡。。。雖然冇得用優惠，但係睇返餐牌，見到食物嘅價錢唔算太貴，而且有好多種類，仲有近期大熱嘅開心果新產品添，實在花多眼亂，所以我哋就決定點咗幾款新推出嘅食品由點餐至食物送到都只係十幾分鐘，送菜速度幾快，首先就有極度惹味泡菜八爪魚紫菜包飯，包飯上面放滿咗泡菜同大大粒八爪魚，食落去味道有少少辣，越食越惹味，但又唔會辣到入唔到口，泡菜同包飯裏面嘅配料都幾夾，仲有八爪魚一啲都唔韌，煮得啱啱好呢個係老婆點嘅濟州柑橘乳酸梳打，味道酸酸甜甜幾清新，乳酸同柑橘撈埋一齊飲又唔會覺得太甜，反而更突顯柑橘既味道至於我就要左人生迷芒的芒果沙冰，無諗到會有半舊芒果插左落飲品之中，仲已經切開咗方便進食，芒果幾香甜，沙冰夠晒冰凍，而且仲食到芒果蓉添，夠晒份量之後有烏卒卒墨汁八爪魚燉飯，真係每一粒飯都沾滿咗墨魚汁，每一啖都充滿八爪魚嘅鮮味，上面仲有沙律醬，同墨魚汁出奇地配合，食落感覺冇咁膩，而且八爪魚好彈牙最後仲有重點推介開唔開心試左先知既開心果蜜糖窩夫，成個菜式都充滿開心果元素，包括有開心果醬、開心果碎同開心果奶凍等等，仲有焦糖粒鋪喺面，所以味道十分豐富，每一啖都食到開心果味，同一時間窩夫都整得好鬆軟，一切就切得開，大大力推薦！！兩個人食咗五百幾蚊，已經飽住個肚咁走
continue reading
聖誕節就嚟到。要搵返啲有聖誕氣氛嘅食物打吓卡，熱下身🎄🎅🎄綠雪奶蓋聖誕西柚綠茶聖誕打卡飲品☺️奶蓋厚厚，綠茶底部有原塊西柚，令飲品酸甜開胃，又清新！粒粒八爪魚意大利燉飯每粒八爪魚都q彈爽口，切到細細粒，唔洗咬得咁辛苦~燉飯個汁有芝士鹹香，口感又順滑。少少芝士黑松露油薯條📍12月推廣活動: 凡點叫「落雪了！刨芝士系列」產品，可加$35於用餐期間，無限任刨巴馬臣芝士碎，一同投入刨芝士帶來的狂歡氣氛！Follow Instagram和小紅書，即可以參與15秒刨芝士活動，15秒內刨出芝士，能將所有芝士鋪滿整碟薯條(完全覆蓋所有薯條)，即可以免費換領「綠雪奶蓋聖誕西柚綠茶」一杯。冇得親身感受落雪，唯有自己製造落雪的情景不會爬煙囪的聖誕老人朱古力窩夫充滿濃厚的聖誕氣氛，有可愛的聖誕老人企係啲屋頂咁。味道方面，窩夫有豐富的朱古力風味，每一口外脆內軟的waffle都好吃😋韓式奶油排骨鍋（原味）排骨鍋個醬好濃郁，加入咗奶油更加creamy香口，排骨炆得好腍好入味，仲有粉絲、年糕和白蘿蔔等配料。
continue reading