Taste All Pate

Open Now

Now Closed

之前已經好想試，今日終於試到午餐！見到食評有讚冇彈，真係有少少期望。果然冇令人失望！真係感覺到佢哋係一間好有誠意嘅小店，廚師同埋接待嘅姐姐都好友善。就咁個沙律已經好似藝術品咁樣朋友揀咗蟹膏意大利飯我呢個慢煮羊羊，好好味！杏脯汁好特別好清新。薯蓉亦都好幼滑！餐包咗一個小撻。我哋另外嗌多咗三款甜品。性價比很高。呢個鮮果拿破崙真係好好味。好脆脆。好fresh!Tiramisu同平時食開嘅有啲唔同。焦糖燉蛋就冇得頂。整體嚟講我會比一百分。好少咁讚。因為由佢嘅食物、服務都覺得係滿分。只有12個座位，午餐分兩場，都係full House。唔訂位真係冇得食。雖然佢咁多人，安排座位嘅姐姐溫文有禮。平時有啲餐廳如果係咁受歡迎，都會唔憂做。但係佢哋就係好有誠意，見到好多似乎都係熟客。下次我要嚟試晚餐！唯一最理想嘅，因為我坐喺好近煎牛扒嗰個位係有少少煙的。不過可以理解。。問題不大。