Video
Read full review
2017-05-21
88 views
星期五晚係太子附近揾野食，係Openrice揾到呢間有好多好評既台灣野。我好鍾意去台灣食野，係出面等位既時候已經好期待諗定食乜。一坐低我同男朋友叫左一客鹽水雞，食落有陣怪味，唔知係咪木耳既up味。味道方面覺得調味比較單調，只有鹹味，冇夜市裡面食到既蒜同辣，有d失望。跟住黎既係滷肉飯，本來想叫米糕，不過當日冇供應。滷肉飯味道唔錯，不過唔可以叫出色，肉比較少，相對地會推介阿元既味道同份量。再黎係大腸蚵仔麵線，份量係咁多樣入面最大，蚵仔幾飽滿同新鮮，好似食蠔咁。大腸都炆得好淋。麵線略嫌唔夠「糊」，仲有食緊一條條麵既感覺。對我黎講，程班長既麵線煮得比較對味。小食方面我地仲叫左個皮蛋豆腐，味道OK。本身鍾意食皮蛋，可惜只有鋪係豆腐上面，碟邊只有番茄，如果皮蛋比例多返少少會豐富d。最後飲埋苦瓜雞湯，初初飲既時候可能因為食左濃味食物，所以覺得淡。但繼續飲就飲得出湯料既味道，幾順口，好飲。飲品方面嗌左胚芽珍珠奶茶同埋蜂蜜綠茶，兩杯都不過不失，珍珠幾有咬口。總括：我地會比較推介阿元同程班長。今晚係呢度食既菜色已經係本店推介，但食唔到有出色既部份，可能係家庭式媽媽味之選？以價錢相約既程班長黎比較，味道方面
我好鍾意去台灣食野，係出面等位既時候已經好期待諗定食乜。一坐低我同男朋友叫左一客鹽水雞，食落有陣怪味，唔知係咪木耳既up味。味道方面覺得調味比較單調，只有鹹味，冇夜市裡面食到既蒜同辣，有d失望。
跟住黎既係滷肉飯，本來想叫米糕，不過當日冇供應。滷肉飯味道唔錯，不過唔可以叫出色，肉比較少，相對地會推介阿元既味道同份量。
再黎係大腸蚵仔麵線，份量係咁多樣入面最大，蚵仔幾飽滿同新鮮，好似食蠔咁。大腸都炆得好淋。麵線略嫌唔夠「糊」，仲有食緊一條條麵既感覺。對我黎講，程班長既麵線煮得比較對味。
小食方面我地仲叫左個皮蛋豆腐，味道OK。本身鍾意食皮蛋，可惜只有鋪係豆腐上面，碟邊只有番茄，如果皮蛋比例多返少少會豐富d。
最後飲埋苦瓜雞湯，初初飲既時候可能因為食左濃味食物，所以覺得淡。但繼續飲就飲得出湯料既味道，幾順口，好飲。
飲品方面嗌左胚芽珍珠奶茶同埋蜂蜜綠茶，兩杯都不過不失，珍珠幾有咬口。
總括：我地會比較推介阿元同程班長。今晚係呢度食既菜色已經係本店推介，但食唔到有出色既部份，可能係家庭式媽媽味之選？以價錢相約既程班長黎比較，味道方面我地覺得後者拿捏得比較好，比較地道，而且份量較大，選擇方面都較合我地意，覺得呢度既好評有點名過於實。
Post
