恭和堂

Open Now

Now Closed

尋日同老婆去旺角行街，原本去食燉奶，點知臨門一腳過左呢度食龜岭膏，下午近六點見人都唔少。其實呢度都算係一間幾有特色的舖頭，牆上的掛置，加埋果個人咁高的大蒸爐，是涼茶老舖的標記，有外賓到來都一點都唔失禮亦饒有特色。我前幾日至在公利食過，所以只係叫了一客，另外叫了菊花茶。味道甘味適中，質地亦以龜板的膠質凝結而成，老字號係有其品質保證的。份量其實係幾大份的，同食龜岭膏都會飽肚的，老婆吃來吃去只吃得三份二，最後也要我來包底。功效如何不得而知，但成四十蚊一客價錢又真係貴左少少，個人而言，可以的話都會去番公利。