第一蠔粉麵 (Closed)

全部蠔都來自本地流浮山蠔場。特點是細粒但新鮮有蠔味。叫了個二人套餐（$218），有鮮蠔米線和金蠔米線各一碗、煎蠔餅、小食和飲品。整體份量好夠，飽肚，不過未能滿足食蠔的心，因為蠔真係唔多。金蠔好食過鮮蠔，更飽滿和有蠔味。湯底很清淡，喜歡濃味的朋友一定唔鍾意。湯面的菜甫無乜味，全靠芫荽調味。我初時都想加辣椒油，但忍住，食食下終於感受到鮮甜味，不過仍然是淡淡的。煎蠔餅煎得鬆化，蠔細小又唔多但都幾好味。小食選了墨魚春卷和櫻花蝦餅，普通無乜特別。